January transfer window lo awm turah, Manchester United top target

Mizo Football

Summer transfer window neih zawh takah khan Manchester United chuan hun harsa tak hmang mahse, deadline day-ah players 4 lai an la lut a ni. January transfer window lo awm tur atan an top target an sawi chiang leh niin an tarlang.

The Sun in an tarlan dan chuan Sevilla star Jules Kounde chu January transfer window atan Man Utd boss Ole Gunnar Solskjaer top target a nih thu an tarlang, Jules Kounde hi Manchester City, Real Madrid leh FC Barcelona te pawhin an duh a, heng ho nen hian an inchuh leh dawn niin a lang.

Kan hriat angin Red Devils chuan season bul an tan tha lem lo hle, a chhan ber chu an tlarhnung lam an inrem fuh tawk lo niin a lang. Ole Gunner hian Harry Maguire partner tur defender dang a zawn ngei rin a ni.

July 2019 khan Kounde hi Sevilla lamah a lut a, tuna a contract neih meka a release clause neih chu £82 million a ni a, Sevilla hian Bordeaux atangin Kounde hi £22 million chauhvin an la lut a ni.

Manchester Utd lamin Kounde an lak luh hma hian an players thenkhat chhuahtir a ngai dawn a, Phil Jones leh Marcus Rojo te chu chhuak tur listah an lang mek.

Manchester City lamin Benfica atanga Ruben Dias an lak hma deuh khan Kounde hi an lo dawr tawh a, Real Madrid leh Barcelona pawhin January transfer-ah chuan an lak loh hmel a, hei hi Man United tan chuan lak theihna huntha tak a nih ngei a rinawm.

Please follow and like us: