January Transfer Window lo awm tura FC Barcelona target player 6 te

FC Barcelona boss thar Xavi Hernandez chuan player a chhuahtir turte hming list a siam tawh niin report in an tarlang a, January transfer window lo awm turah player 6 te chu lak luh a tum dawn niin an tarlang bawk.

Catalan club lianin an head coach atana Xavi an ruatna hi thla khat pawh ala liam rih lova, mahse, Xavi hian club duh ang leh mamawh ang chu a hre viau niin a lang, a chhan chu player ang pawhin Barcelona-ah hian tha takin alo che thin tawh a ni.

FC Barcelona lam hian sum lamah harsatna hrang hrang tawk mahse, Xavi leh president Joan Laporta hian January transfer window inhawn hunah thil lian tham tak thlentir ngei an tum niin a lang, season thar lo awm turah UEFA Champions League khelh theih ngei an tum dawn niinĀ SportĀ in a tarlang.

Spanish publication leh news outlets dang dang tena an tarlan dan chuan FC Barcelona head coach Xavi hian Manchester City forward Ferran Torres chu a target hmasa ber a nih thu an tarlang.

Valencia winger hlui Torres hian kum 2020 khan Man City a zawm a, a chet tawhna hrang hrangah a che tha hle. Mahse, October thla khan hliam a neih avangin a chawl a, hei vang hian squad-a telh leh pawh atan chuan thil harsa tak a ni mek.

International level-ah pawh kum 21 a upa hi Spain coach Luis Enrigue player pawimawh tak pakhat a ni. Nikum September thla khan La Furia Roja tan a game hmasa ber khelin, match 22 a khel tling tawh a, goal 12 a khung tawh bawk.

Chelsea striker Timo Werner leh Red Bull Salzbur star Karim Adeyemi pawh hi attack lama Xavi target annih thu an sawi.

Xavi target shorlist ah hian defender pakhat chiah a awm a, chu chu Chelsea defender leh captain ni pawh Cesar Azpilicueta hi a ni. Azpilicuete’an Chelsea lama contract a neih hi tun season khelh zawh rual hian a zo ve dawn a, January transfer lo awm turah hian Xavi duh ber pakhat a nih thu an sawi.

Engpawhnise a hnuaiah January transfer window inhawn huna Xavi target player 6 te kan rawn tarlang ve leh e.

Hakim Ziyech (Chelsea)

Dani Olmo (RB Leipzig)

Timo Werner (Chelsea)

Cesar Azpilicueta (Chelsea)

Karim Adeyemi (Red Bull Salzburg)

Ferran Torres (Manchester City)

Source SL

Related Posts

error: Content is protected !!