Report in a tarlan dan chuan January transfer window-ah Newcastle United in Manchester United goalkeeper Dean Henderson chu lak luh an tum dawn niin an tarlang. Magpies lam hian neitu thar hnuai atanga an player lak luh hmasak ber tur atan Englishman hi an duh a, Newcastle United chu Europe inelna lamah pawh tel tir ngei an tum ruh hle.
Eurosport report dan chuan, Henderson hian Old Trafford chhuahsan dan a zawng niin an tarlang, kum 24 a upa duhtu zingah hian Newcastle United hi an rawn lang thar a ni.
Hetihlai hian Manchester United lamin Henderson hi chhuah hlen tir erawh an duh lo. Red Devils hian an goalkeeper chu thla 18 chhung teh meuh mai loan a chhuahtir an rilruk a, hun rei tak chhung David De Gea thlaktu tur atan an duh a ni. David De Gea hi kum 31 a upa lai a ni tawh.
Henderson erawh chuan loan a chhuah nawn leh chu a duh vak lova, chhuah hlen kha a duh zawk. Sheffield United atanga a rawn kir leh hnu khan Henderson hian spot 1 hauh a inbeisei hle, mahse, Man Utd boss Ole Gunnar Solskjaer hian De Gea a drop khat hle.
Tun season khelh mekah Henderson hi vawi khat chiah ala inlan thei rih a, Carabao Cup ah niin West Ham United lakah an tlawm nghe nghe.
Henderson hian Manchester United a chhuahsan ngei a rinawm tawh hle. Manchester United goalkeeper hlui Mark Bosnich pawhin Dean Henderson chu Red devils chhuahsan turin a duhsak. A chhan chu bench a thu reng tur atan chuan a tha mah mah tiin talkSPORT a hrilh.
Source SK