January Transfer a FC Barcelona lak tum player 10, Man Utd player 2 pawh an tel

Kan hriat angin FC Barcelona chuan an manager thar atan Xavi Hernandez chu an la lut a, January transfer window inhawn hunah a team te din tha ve ngei ang.

Player sawi zawm pawh an awm nual tawh a, Man Utd player pahnih Jesse Lingard leh Edinson Cavani pawh hi an lak tum zingah a tel ve niin report in an tarlang.

Tunah hian FC Barcelona hi La Liga table ah pasarihna dinhmun an hauh mek a, Uefa Champions League group ah pawh tla thut thei dinhmunah an ding mek.

Spanish outlet Mundo Deportivo tarlan dan chuan Edinson Cavani leh Jesse Lingard hi Xavi attack thlan tur zinga tha ber annih thu an tarlang.

MANCHESTER, ENGLAND – DECEMBER 01: Jesse Lingard and Edinson Cavani of Manchester United in action during a first team training session ahead of the UEFA Champions League Group H stage match between Manchester United and Paris Saint-Germain at Old Trafford on December 01, 2020 in Manchester, England. (Photo by Matthew Peters/Manchester United via Getty Images)

Red Devils player pahnih te hi tun season khelh mekah Ole’an a chhawr tam lo hle a, a spare ang mai anni. Jesse Lingard hian tun season Premiere League khelh mekah match 5 ah chauh inlanin, Edinson Cavani pawh match 4 ah chauh a inlan ve bawk.

A tam zawk chu Bench atangin an lut a, Lingard hian League match bikah minutes 63 chauh ala khel tling rih.

Tuna Barcelona striker ni mek Sergio Aguero chuan hriselna lamah harsatna a neih avangin football chawlhsan tum ang hialin thuthang a awm a nih kha. Aguero thlaktu atan Edinson Cavani hming hi a lang mek a, atan football match khelh tam theihna hun tha a inhawng dawn niin a lang.

Barcelona hian attacking lamah duhthlan tur annei nual a, Dutch forward Luuk De Jong chu game 2 a khelh hnuin Xavi duh zingah a tello niin an sawi.

Xavi Shortlist zingah hian Premiere League player te an awm ve nual a, Hakim Ziyech leh Timo Werner pawh hi an attack thawm that nan an melh mek niin an sawi.

Barcelona nena sawi zawm player 10 te chu.

Manchester City star Raheem Sterling, Tottenham hotpur rawlthar Bryan Gill, RB Leipzig star Dani Olmo, RB Salzburg forword Karim Adeyemi, River Player tana goal khungtu ber Julian Alvarez leh Basel atriker Arhir Cabral te hi January transfer a an lak lur a ni.

Source Sl

Related Posts

error: Content is protected !!