Tun nipui bazar a an hralhchhuah theih loh hnuin Barcelona chuan thlasik transfer bazar inhawn hunah Frenkie de Jong hralhchhuah an tum leh dawn.
Transfer bazar liamta chhung khan Frenkie de Jong leh Manchester United te sawizawm ni mahse Dutch international transfer erawh kan hmu lo.
90 minute tarlan dan in Manchester United chuan De Jong mana Barca chhiar zat €75 million (add ons tel lo in) pek an inhuam a, De Jong pawh hian Old Trafford lama kal chu hreh lo mahse Barca lamin a hnena an sum bat pektlak an tum loh avangin club chhuahsan a la tum rih mai lo.
Club hotute’n sum an la bat mai bakah Manchester United in Champions League an khelh loh avangn De Jong an Manchester United a zawm lo niin a lang.
Hetiang anih takah chuan Ten Hag an transfer bazar a a lakluh tum ber De Jong lalut lo in hun a hmang ral. Forbes tarlan dan in Barcelona lam chuan Dutch midfielder hi tun January transfer bazar inhawn hunah hralhchhuah an tum leh dawn.
Barca manager Xavi erawh in an midfielder chu Camp Nou a la cham zel turin a duh a, a hnuaia a hlawhtlin theih a beisei. Tun season laliga game 5 khelh anih atangin De Jong hi match zawng zawng ah la inlan kim vek mahse game 2 ah chiah inkhelh bul a tan. Manager Xavi hnuaia hmun nghet chang turin erawh theihtawp a chhuah a tul ang.
