Report hrang hrangin an tarlan dan chuan Inter Milan forward Alexis Sanchez chuan January transfer window inhawn huan a club hlui FC Barcelona a zawm leh thut thei niin an tarlang. Corriere della Sera tarlan dan chuan FC Barcelona lam hian an player hlui Sanchez-i an duh leh niin a taralng bawk. Inter Milan lam hian Sassuolo forward Giacomo Raspadori chu Alexis Sanchez thlaktu tur atan an thlang.
Sanchez hi Stadio Giuseppe Meazza lamah a che tha lo hle a, tunah hian khelh tlem avangin a hlim lo hle. FC barcelona lama kir leh theihna huntha a nei dawn niin a lang. FC Barcelona lama a khelh lai khan a che tha hle.
Inter Milan lam hian kum 32 a upa Sanchez hi chelh tumna an nei lem lova. A chhan chu kum 2018 a Manchester United atang Inter Milan an pan atang khan chet hun a nei khat hle.
Alexis Sanchez’an Italian club hi a chhuahsan a nih chuan a hlawh €7 million lai an save thei dawn tihna a ni a, player dang lak chu an tan a tha zawk dawn a ni.
Inter Milan-ah hian kum 3 chhung hun hmang tawhin goal 14 a khung mai bakah assist 16 chiah ala nei thei.
Kan hriat angin tun season khelh mekah FC Barcelona hi an che tha lo em em a, hei mai piahah sum lamah harsatna lian tak an tawk bawk. Sanchez hi an duh ber erawh chu a ni hauh lo, mahse, an dinhmun ngaihtuah chuan an tan a tha ber niin a lang.
Source SK