January a Arsenal lakluh tum tur Torres

2022-23 season bul tan tha tak Arsenal chuan January ah squad thawmthat belh an la tum cheu va, Barcelona winger Ferran Torres lakluh an tum dawn. Kum 22 a upa Ferran Torres hi Spanish rawlthar thangduang ber te zinga mi niin Barcelona chuan Man City atangin €55 million in an lalut.

Barcelona ah Torres an hmuh nghet a chang hleithei lova, club sum dinhmun a tha lo bawk nen transfer bazar inhawn leh hmasak berah Camp Nou a chhuahsan a rinawm.

Xavi an forward duhthlan tur a nei tha a, Spanish manager hnuaiah Robert Lewandowski, Ousmane Demebele, Raphina leh Ansu Fati te chu attacker hmun chang tam deuh te anni.

Fichajes tarlan dan in Barcelona lam chuan Spanish international Ferran Torres an hralhchhuak dawn anih chuan City lama an pektlak zat €55 million an beisei ang. A ram Spain tan game 28 a inlan atanga goal 13 khungtu Torres man tur a tlawm lovang.

Hetih mek lai hian Barcelona chuan an midfielder Frenkie de Jong pawh January transfer bazar ah hralhchhuah an tum dawn a, Premier League club Man Utd chu Dutch midfielder duh tu zinga thawm nei lian ber anni.

De Jong hian transfer bazar liamta khan Old Trafford lama kal chu hreh lo mahse club lam in a hnena an sum bat pektlak an tum loh avangin Camp Nou ah a la cham chhunzawm.

error: Content is protected !!