Leicester City lamin Jamie Vardy chu £1 million chauhvin an la lut a, hei hi Jamie Carragher chuan football history a transfer ropui ber a nih thu a sawi.
Leicester City chuan kum 2012 khan non-league club Fleedwood Town atang Jamie Vardy hi an la lut. Foxes a pan hnu atang hian khawvel striker tha, mite hriat a rawn ni chho a, tun season khelh mekah pawh game 22 a inlan tawh atangin goal 13 a khung tling leh der tawh.
Vardy hiab Golden Boot, Premiere League Player of the Season award leh Premiere League nomawi a chawi tawh a ni. Jamie Carragher chuan ‘hetiang ang transfer tha hi a awm leh tawh lo maithei’ tiin a sawi nge nghe.
“Vardy’an Fletwood Town atang Leicester a zawm anga transfer tha hi a awm leh tawhlo maithei. Premiere League era ah chauh pawh ni lovin, Football history ah pawh” tiin Carragher chuan Telegraph ah a sawifiah.
“Englai pawh a ka sawi thin chu tupawh mai hian tha tih zawng leh duh zawng kan nei vek a, a pawimawh ber chu kan ngaihdan hi a ni. Mahse, Transfer history han en ta ila, pawisa hlut zawng anga han thlir pawhin, tumahin Vardy hi in paih mai thei lovang.”
“Premiere League history thlak danglam hawk thei transfer sawi tur kan hriat nual a rinawm, Eric Cantona’an Man Utd a zawm te, Dennis Bergkamp’an Arsenal a zawm te, Yaya Toure leh David Silva ten Man City an zawm te, Virgil van Dijk’an Liverpool a zawm ang te hi sawi tur a awm nual.”
“Club leh an ram tan thil tha tak an chhuah pui a, club tan inghahna bul ber anni. Vardy story erawh a dang nalh mai, £1 million chauhvin non league football atang Leicester City a zawm a, beisei aiin a che tha hle.”
“English football generation thar lo la awm tur ten Vardie awm hnua Leicester City leh awm hmaa Leicester City chungchang hi an la sawi fovang.” Tiin Carragher chuan a sawi.
Kum 2011 vawiinni angah khan Jamie Vardy chuan Fletwood town tan minute 72 naah Gateshead lakah draw na goal a khung a, hei hi Conference Premiere League match a ni.
Kum 10 a han liam meuh chuan Premiere League bikah match 257 inlan tawhin Goal 125 a khung mai bakah assisr vawi 39 lai a nei tling mek.
Source 90 Min