Jamie Carragher”an Manchester City Star chu Liverpool tana a duhthusam a nih thu a sawi

Jamie Carragher chuan Manchester City star Kevin De Bruyne chu hahipin a fak a, Belgian star hi Liverpool tan a perfect viau dawn niin a sawi.

Manchester City midfielder Kevin De Bruyne hi khawvel midfielder tha ber pakhat a ni. De Bruyne hi khawvel club tha dangah pawh hian khel mahse, a that tho a rinawm a, chutiang bawkin Anfield lamah pawh a chet that tho a rinawm.

Kan hriat angin Jurgen Klopp enkawl Liverpool hi fullbacks leh forward lamah chuan duhthu an sam viau mai. Mahse, an midfielder lam erawh duh angin an tha tawk vak lo. Manchester City number 17 hi awm ta se, an tha viau mathei.

Liverpool player hlui Jamie Carragher chuan De Bruyne chu a player lak duh tak a nih thu a sawi. Monday zan khan The Reds tan tu nge la lut ta la tha i tih ber tiin an zawt a. Carragher chuan, “Kevin De Bruyne” tiin a chhang.

“Khawvel player tha ber pakhat a nih ka ring. A nihna takah chuan kum 2 emaw kum 3 vel liamta atang khan khawvel midfield player tha ber a ni tawh.”

“Mipuiin englai pawhin Liverpool midfielder ten creativity an thla chham niin an sawi thin a. Hei hi chu a laia awm pathumte an pawimawh hle. Kevin De Bruyne hi ka ngaihtuahnaah a lut hmasa ber, ani hi awm ta se, an tha viau ang.” tiin a sawi bawk.

Source SK

READ MORE: Liverpool in kum 19 a upa attacker lak luh an tum, mahse, Bundesliga club pahnih te nen an inchuh dawn niin a lang

Liverpool chuan Fulham attacker Fabio Carvalho chu lak luh an tum tak tak a nih chuan, Bundesliga club pahnih te nen an inchuh a ngai dawn niin report in a tarlang.

Bundesliga club pahnih te hian kum 19 a upa attacker Carvalho hi an hnaih sawt tawh hle a, Jurgen Klopp enkawl Liverpool pawhin Fulham star hi thla tlemte chhung chu an lo zir chiang ve tawh a ni.

Mahse, Liverpool hian Fabio Carvalho hi January transfer-a lak luh turin engmah an la sawi pui lo a ni. Liverpool hian Carvalho hi tun season khelh zawh a nih hnuah chauh an la lut thut thei. Mahse, Fabio Carvalho hi club dang atang chuh puitu an awm chho zel a rinawm.

Portuguese journalist Bruno Andrade sawi dan chuan, Liverpool chauh hi Fabio Carvalho chhuitu anni lo niin a sawi a. Fulham attacker Fabio Carvalho hi Bundesliga club pahnih Borussia Dortmund leh Bayer Leverkusen te pawhin an duh niin a sawi bawk.

Kum 19 chauhva upa ni rih mahse, Carvalho hi Championship club Fulham tan regular takin a khel a ni. Amah hi Portugal-a piang a ni a, Fulham tan all competitions ah match 18 inlan tawhin goal 8 a khung mai bakah assist vawi 2 a nei mek.

Craven Cottage lama contract a neih hi thla 6 vel chiah a awm tawh a, tuna alan dan chuan tun season zawh rual hian free transfer in a chhuak thei dawn a ni.

Kum 2019 summer transfer lai khan Liverpool chuan Fulham atang bawk hian teenager Harvey Elliott hi anlo la lut tawh a. Tun tumah hian Liverpool in Fulham atang thovin Carvalho hi tun thla-ah emaw season zawh rualin an la lut leh thut thei a ni.

Hetihlai hian Borussia Dortmund pawhin Carvalho hi an lo duh ve bawk.

Fulham lam pawhin Carvalho hnenah contract thar pek an tum

Fabio Carvalho’an Fulham lama contract a neih chu a hmang zo tep tawh a, tun thlaah emaw season tawp huan club a chhuahsan thei dawn a ni. Mahse, Cottagers lam pawhin contract thar pek an lo tum ve reng.

Liverpool Echo in a tarlan dan chuan Championship club Fulham hi Carvalho contract thar chungchangah an beidawng bik lo niin a tarlang. Player leh club lam hian contract thar chungchanga inbiakna kalpui tur an la nei mek a ni.

Source SK

Related Posts

error: Content is protected !!