Liverpool defender Jamie Carragher chuan Paris Saint-Germain Superstar Kylian Mbappe chua Mancheser United legend Wayne Rooney aiin a tha zawk tawh niin a ngai.
Jamie Carragher chuan Twitter lamah Wayne Rooney ai Mbappe a thlan zawk thu tarlangin Manchester United fans tamtak ten an rawn kap let ve nghal. Twittter lamah hmuh tur a tam hle.
Manchester United fans tam zawk te chuan, Carragher leh Rooney te football khawvela hun an hman lai khan Rooney hi a che tha zawk a, hei vang hian Carragher chuan chuan Mbappe a thlang zawk tiin an sawi a ni.
Hun lo la awm turah Kylian Mbappe hian Wayne Rooney hi ala khum thei ngei ang, mahse hmabak ala nghah hle.
Kan hriat angin PSG Superstar Kylian Mbappe hi khawvel player tha ber pakhat anga sawi a ni. Striker hi club leh a ram French tan a che tha ang reng hle.
Tunah hian kum 23 a upa chauh la ni mahse, Ligue 1 nomawi 4 a chawi mai bakah France tan 2018 FIFA World Cup nomawi a chawi pui bawk. Tunah hian Paris Saint-Germain tana goal khung tam pathumna a ni mek a, match 197 a khelh tawh atangin goal 150 lai a khung tling ve tawh.
Kylian Mbappe’an Rooney a khum dawn chuan hmabak ala awm ve nual. Wayne Rooney hian Premiere League nomawi 5 a chawi mai bakah UEFA Champions League nomawi 1 a chawi tawh a, a career-ah mimal chawimawina thahnem tak a chawi ve bawk. Manchester United player hlui Wayne Rooney hian EFL Championship club Derby County tan manager hna a chelh mek.
Wayne Rooney hi Manchester United leh England tan goal khung tam ber a ni mek a. Red Devils tan match 559 a inlan atangin goal 253 lai a khung, Three Lions tan games 120 a inlan atang goal 53 a khung bawk.
Kylian Mbappe’an Rooney khum turin hma bak a la nei nual a, a bik takin UEFA Champions League nomawi pakhat tal a chawi a ngai bawk ang. Mahse, ala naupang a, hmalam hun eng tak a nei a ni.
Source SK