Jadon Sancho’an Jersey Sen A Hak Chuan, A Ti Nalh Hle Ang – Jurgen Klopp

2019/20 Premiere League champions Liverpool boss chuan Jadon Sancho lak a duhna chu a sawi chhuak leh a, tun summer transfer-ah lak a duh thu a sawi.

Borussia Dortmund rawlthar leh England international ni bawk Jadon Sancho hlut zawng hi Pound 117 million vel a ni a, hetih lai hian Liverpool boss Jurgen Klopp chuan Dortmund winger Sancho hi lak luh ngei a duh. Liverpool lamah a lo lut a nih chuan min thawng hle ang tiin a sawi nghe nghe.

Advertisement

German outlet Bild live video-ah jurgen Klopp chuan ‘Jersey sen hi Jadon Sancho’an a hak chuan a nalh hle ang” tiin a sawi.

“Mahse, transfer hi tun summer transfer-ah hian a thleng ang em tih chu ka ngaihtuah lo”

Advertisement

“Player mit la tak a ni a, Liverpool lamah a lo lut a nih ngat chuan, min thawng hle ang, min thawng bertu a ni hial ang.”

Kan hriat angin Ningani (Thursday) khan Chelsea in Manchester City an hneh avang khan Liverpool chuan 2019/20 season Premiere league nomawi an chawi a, season thar lo awm turah Liverpool hi an champions leh thei mai ang em tih chu mi tamtak zawhna lian tak a ni.

Advertisement

Coronavirus hri a len hma khan Liverpool leh Timo Werner te chu sawi zawm an lo ni tawh a, mahse, Chelsea chuan hmakhalhin Pound 53 million in Timo Werner chu an la lut a ni.

Tunah pawh hian Jadon Sancho hi Manchester United, Chelsea leh Real Madrid nena sawi zawm mek a ni a, eng club ber hian nge Jadon Sancho la lut ta ang le, Bundeslig club lian Dortmund duh ang pawisa pe thei theiin an la lut mai lovang maw?

Sportsmail in an report dan chuan, Manchester United hian Jadon Sancho man an tih hniam hun tur an nghak niin an tarlang a, Real Madrid pawhin Sancho an duhna an ti lang ve bawk.

Advertisement

Tunlai hrileng avangin clubs hrang hrangin sum lamah harsatna an tawk mek zel a, an duh ang players pawh an lei thei lo mai thei a ni.

Jadon Sancho hi eng club berin nge la lut ta ang le.

Source AF

Advertisement

Next Post

Europe Top 5 League Atanga No Mawi Chawi Rang Top 10 te

Sat Jun 27 , 2020
Kan hriat angin Liverpool chuan 2019/20 Premiere League nomawi an chawi a, Premiere league history bikah nomawi chawi rang/hma ber […]