Mi hnial thei tak striker Mario Balotelli chu kum 2018 hnuah a vawikhatna atan Italian National team tan khel tura koh a ni.
Manchester City leh Liverpool forward hlui Balotelli hi tunkar chhung khan Azzurri boss Roberto Mancini’an Italy squad ah a koh thu confirm a ni. Kum 2007 khan Inter Milan tan professional game hmasa ber a khel tan a ni.
Mancini’an kum 31 a upa a koh leh hi mi tamtakin mak an ti hle. Balotelli hian nikum khan Adana Demirspor zawmin, a che tha ang reng hle. Tun season khel mekah match 21 a inlan atang goals 14 a khung a ni.
Italy squad a Balotelli a kir leh chhan nia lang thei chu, player tamtak hliam an awm vang a ni. A bik takin Juventus winger Federico Chiesa hi hliam avangin tun season chhung a chawlh a ngai dawn a, hei mai bakah Torino striker Andre Belotti pawh February thla tawp thleng a chawl dawn a ni.
Ram tana koh leh a nih chungchangah Balotelli chuan thil pangai a nih thu a sawi a, a kum anga international football khelh chu thil pangai a nih thu a sawi.
“Ka tha a, ka rilru ngaihtuahna pawh a tha e” tiib Balotelli chuan Bresciaingol a hrilh.
“Kum 31 a upa nih tawh hnua, International football khelh chu thil pangai tak a ni ang. Thil pangai lo a awm tur a ni lo”
“Italy hi World Cup ah an qualify ngei ka beisei, an phu a ni. Engvanga Play off khel nge annih ka hre lo, mahse, a thleng ve theu tkat.” Tiin a sawi bawk.
European champion Italy hian 2022 FIFA World Cup play off ah North Macedonia an hmachhawn dawn a ni. An tlang ngei a rinawm.