Hriat angin Arsenal rawlthar Bukayo Saka penalty pet chu Italy goalkeeper Donnarruma’an alo save hlauh mai. Italy chuan 3-2 hnehna an chang a nih kha.
Penalty a save hnu khan Donnarruma chuan a save tak tak em tih a hrelo. A chhan chu VAR hmanga an check thut thei niin a hria.
Hetihlai hian Jordan Pickford’an Jorginho penalty pet a save a nih kha. Pickford’an Jorginho penalty pet a save lai khan Italy chu Euro 2020 atang an chak lo tawhah a ngai hman.
Donnarumma chuan ti hian Sky Italia a hrilh. “Penalty ka save khan ka celebrate lo, a chhan chu hnehna kan chang nge chang lo tih ka hrethiam lo” tiin.
“Jorginho’an penalty a pet goal loh khan, kan tlawm tawhah ka ngai, ground ah ka thu hman. Din chhunzawm kha tum lo in, a tawp tawhah ka ngai a ni.”
“Tunlaiah chuan VAR hmangin kan ke awmdan thlengin an check vek thei tawh a, a chhan chu goal line hi pelh theihloh tawp a ni. Engkim a dik a ni tih hrechiang turin referee lam ka pan. Chutih mek lai chuan ka teammate te ka lam pana an rawn tlan lai ka hmu. Kha tihlai khan engmah ka hrethiam lo hrim hrim” tiin a sawi bawk.
Final ah khan Kum 22 a upa Gianluigi Donnarumma hian penalty vawi 2 dang pawh a save a, mahse a celebrate lo. VAR vang a nih a rinawm.
Source The Sun Football