GOAL chuan Major international competion-a Cristiano Ronaldo leh Lionel Messi goal khung dan statt an tarlang a, kan rawn tarlang ve leh dawn a ni.
Euro 2020 a Cristiano Ronaldo leh Portugal zinkawng chu Belgium in an tih tawp sak a, round of 16 ah 1-0 in Belgium lakah an tlawm a nih kha.
Portugues thiampuipa C Ronaldo hian Euro 2020-ah goal 5 a khung a, record pahnih a siam. Hungary laka a goal khung vawikhatnaah khan Euro history-a goal khung hnem ber record neitu Michel Platini a khum, Platini hian Euro history-ah goal 9 a khung a ni. Euro 2020 atanga an tlak hnuah Euro-a a goal khung zawng zawng chu goal 14 a tling tawh a ni. Tunah hian Euro history-a goal khung tam ber a ni mek.
Hei mai a nilo, ram tana goal khung hnem ber record neitu Iranian legend Ali Daei record a nih rual pui bawk, tunah hian goal 109 ve ve an khung a ni.
Portugal supestar Cristiano Ronaldo a chet that viau laiin hunrei tak alo elpui tawh Lionel Messi pawh Argentina tan Copa America 2021-ah a che tha ve hle.
Messi hian free kick atangin ram tan goal 57 lai a khung tling tawh a, C Ronaldo record neih lai free kick 56 atanga goal a khung tawh chu a khum a ni. Diego Maradona umphak nan goal 5 chia a mamawh tawh.
Argentina in group game hnuhnung bera Bolivia an hmachhawn tum khan Messi pawh khelin ram tan match 148 a khelhna niin, Argentina tana khel tam ber Javier Mascherano (vawi 147) chu a khum a ni. 4-1 in Bolivia an hneh a, Messi;an goal 2 a khung nghe nghe. Tunah hian a ram Argentina tan goal 75 a khung tling tawh a ni.
Superstar pahnih hian an huntawp lamah record thar an siam belh zel a, major tournament-a goal an khung dan record tlem kan rawn tarlang dawn a ni. Tah hian Free kick an pet goal zat leh penalty an pet goal zat pawh a lang ang.
Euro 2020 a C Ronaldo zingkawng a tawp tawh laiin, Copa America 2021 a Lionel Messi zingkawng erawh a la tawp lo. Semi final-ah Colombia an tum leh ang.
Engpawhnise, a hnuaiah hian Major tournament a C Ronaldo leh Messi Goal khung dan kan rawn tarlang ve leh e.
CRISTIANO RONALDO
Euro 2004 (goal 2)
World Cup 2006 (goal 1)
Euro 2008 (goal 1 )
World Cup 2010 (goal 1)
Euro Cup 2012 (goal 3)
World Cup 2014 (Goal 1)
Euro Cup 2016 (goal 3)
World Cup 2018 (Goal 4)
Euro 2020 (goal 5)
TOTAL Goal 21
Heng a chunga kan rawn tarlan tak hi Major Tournament-a C Ronaldo goal khung dan a ni.
LIONEL MESSI
World Cup 2006 (Goal 1)
Copa America 2007 (goal 2)
World Cup 2010 (goal 0)
Copa America 2011 (Goal 0)
World Cup 2014 (Goal 4)
Copa America 2015 (Goal 1)
Copa America 2016 (Goal 5)
World Cup 2018 (Goal 1)
Copa America 2019 (Goal 1)
Copa America 2021 (Goal 4)
TOTAL Goal 19