Interim Coach atan Rangnick an thlan avangin Liverpool legend in Man Utd a sawisel

Manchester United lamin tun season khelh chhunga an interim manager atana Ralf Rangnick an thlan avangin Liverpool legend Graeme Souness chuan a sawisel.

Thawhtan khan Red Devils lamin German tactician chu an la lut a, a visa te a fel chauhvin United hi a enkawl thei dawn a ni.

Rangnick hian 2018/19 season khan RB Leipzig a enkawl a, hemi hnu hian club dang a enkawl leh tawh lo. RB Leipzig a enkawl lai khan table-ah pathumna dinhmun a hauh pui a, DFB Pokal final a khelh pui bawk. Liverpool midfielder hlui Graeme Souness chuan Rangnick hi Manchester United duh ang coach tha a nih a ring lem lo.

“Ferguson’an United a chhuahsan hnuah interim coach pathumna tur a ni. Ka hriat sual loh chuan” tiin Souness chuan United in Rangnick an lak luh hma khan talkSPORTĀ alo hrilh tawh.

“United in Rangnick an la lut hi i phur viau lo maithei, manager hlawhtling tak a ni lo chiang, trophy pakhat vel chauh ala chawi rih ka ring.”

“Tuna a lan dan chuan kum 5 emaw kum 10 vel tal a enkawl hnuah manager tha tak tiin kan sawi thei maithei,”

“Tun dinhmunah rih chuan Manchester United mamawh ang ala ni lo, Man Utd hian coach tha sa, engkim thlak danglam nghal thei hi a ni an mamawh chu.” tiin Souness chuan a sawi bawk.

Source SL

Related Posts

error: Content is protected !!