Inter Milan in Manchester United defender an duh, January transfer-ah lak luh an tum dawn – Report

Italian media hrang hrangin an tarlan dan chuan Inter Milan lamin Manchester United defender Alex Telles chu January transfer window inhawn hunah an la lut dawn niin an tarlang.

Summer transfer hnuhnung ber atang khan Inter Milan lamin game khel tlem Brazilian left Alex Telles hi an lo duh tawh a. Manchester United manager hlui Ole Gunner Solskjaer khan Luke Shaw-ah beiseina sang tak a neih vangin a khelh tam tir zawk a ni. Season hmasa khan club leh ram tan Alex Telles hian a khel tlem hle.

Alex Telles hian season liamta khan Manchester United tan all competition ah match 20 chiah a start thei a, Inter Milan chuan kum 32 a upa Ivan Perisic backup tu tur atan an duh. Croatian international Perisic hi summer transfer hnuhnung ber atang khan chhuak tur anga sawi a ni a, tun hnai lawkah pawh Bayern Munich lama kir leh tur anga sawi a awm bawk.

Inter Milan hian summer transfer window inhawn hunah man tlawm zawkin lak thei an inbeisei a. Mahse, January transfer window inhawn hunah loan a lak mai pawh an pawi tilo. Mahse, Manchester United in interim manager atana Ralf Rangnick an lak hnuah Alex Telles dinhmun hi a danglam ve deuh tawh.

Manchester United in Premiere League an khelh hnuhnung pahnihah hnehna an chang ve ve a, Champions League group stage lamah pawh a chung ber anni.

Ole Gunnar Solskjaer khan Aaron Wan Bissaka Leh Luke Shaw hi a hmang ang reng hle a, mahse, Rangnick luh hnuah erawh Diogo Dalot leh Alex Telles te a khelh tam tir zawk a ni.

Alex Telles hi defensive tha lutuk lo ni mahse, Rangnick’an a rin ngam tlat si chuan hmasawnna a hmu ngei ang. Club Legend Rio Ferdinand pawhin Shaw leh Bisaka hian khelhna hun tha an hmu harsa deuh tawh maithei tiin alo sawi tawh a nih kha.

Source SK

Related Posts

error: Content is protected !!