Inter Milan chuan Arsenal in an striker Folarin Balogun an chhiarna man zat chu tihniam deuh se tih an duh a, an nawr mêk.
Inter Milan in season hmasaa loan a an hawh Romelu Lukaku ngaihven chhunzawm an tum tawh loh hnuin Arsenal stiker Folarin Balogun lam an hawi a, tun dinhmunah USMNT striker hi season hmasa UCL finalist top target a ni.
Inter hian Balogun chu lâkluh duh viau mahse a awlsam dawn lova, a chhan pawh Arsenal lam chuan an forward thangduang tak manah hian £50 million an phut vang a ni.
Inter hian Balogun man tura £50 million theh chhuah an hreh deuh va, kum 22 a upa striker manah hian Gunners chu £40 million a lungawi turin an hrilh tih Sport Italia chuan a tarlang.
A hma hun chiang lo ruai karah Balogun hian loan a chhuah a duh tawh loh thu a lo sawi tawh a, Gunners hotute chuan an striker hma hun tur an tifel thuai ang.
USMNT striker hian club dang zawm a hreh lova, chutihrualin Arsenal tana inlan tura a that tawk thu Nurnberg an hmachhawn hnu khan a sawi. A awmzia chu club hotute thutlûkna ah a innghat tihna a ni.
Balogun hian season hmasa khan loan in Reims a zawm a, Ligue 1 club tan hian season duhawm tak hmangin inelna hrang hranga game 39 a inlan atangin goal 22 leh assist vawi 2 a thawkchhuak.