Major League Soccer club Inter Miami chuan Argentina captain Lionel Messi chu frer transfer in an lâkluh fel thu an puang a, kum 36 a upa hian Major League Soccer club tan hian kum 2025 thleng daih tur contract a ziak bawk.
Barca captain hlui hian Paris Saint Germain-a a contract a hman zawh hnuin Inter Miami lam a pan tur thu a sawi a, hun engemaw chen hnuah a transfer hi official a puan a ni.
Miami a zawm chungchangah Messi chuan hetiang hian thu a thlah, “United States ah Inter Miami a ka career ka chhunzawm thei tur hi ka phur tawh hle. Tun hi hun tha tak niin he club thil tum hlenchhuak ngei turin kan thawk ho dawn a ni.”
“Kan suangtuah ber chu kan thiltum tihlawhtling tura tanrual ho a ni a, chumi tura he hmuna ka team thar tanpui hi ka châk tawh hle” a ti.
Messi hian Miami ah Barcelona-a a pu hlui Tata Martino nen an inhrawn leh dawn a, Argentine manager hi Inter Miami chuan an head coach thar atan an ruat fel tawh.
Messi bakah Busquets chuan Inter Miami a zawm ngei dawn niin a lang bawk a, anni pahnih bakah Jordi Alba leh Sergio Ramos te pawh Messi club thar zawm thut thei te anni ve bawk.