A natna enkawl mek anih avanga la inkhel theilo Sebastien Haller chuan that lam a pan zel a, a inkhelh leh thuai a beisei.

2021-22 Eredivisie top scorer hian transfer bazar liam ta khan Ajax atangin Borussia Dortmund a zawm a, a club thar tan chet that nghal tum viau mahse tilmu cancer a nei tih doctor te’n an hmuhchhuah hnuin enkawl nghal a ni.

Kum 28 a upa hian ziaawm lam a pan zel a, a inkhelh leh thuai a beiseiawm.

“Min enkawlna a tha a, tunah chuan ka tha tawh hle. Vanneithlak takin nitin training ka nei thei bawk” tiin Haller an that lam a pan zel thu a sawi.

West Ham United striker hlui chuan sawi chhunzawmin,” Khatiang thil kha ka chungah a thleng ang tih ka ring pha lo hrim hrim a, min thawng takzet. Mi tam takin an duhsakna min hlan avangin ka lawm hle a, hei hian football hmanga inpumkhatna min siam. A bikin ka thian leh chhungkhat laina te hi ka chakna hnar te anni. Min duhsaktu te zawng zawng chunga ka sawi duh chu ka lokir thuai dawn a, ka ram leh club tan hna pawimawh tak thawh ka duh” a ti.

Borussia Dortmund hian thawhlehni zanlai a Champions League group stage match ah FC Copenhagen chu 3-0 in an hneh a, hemi tum hian Haller chuan a hmun ah ngei inkhel en ve bawk in mipui lawm a hlawh hle nghe nghe.

Related Posts

error: Content is protected !!