Inkhel bul tan turin Ronaldo a inpeih – Ten Hag

Manchester United manager Erik Ten Hag chuan Cristiano Ronaldo chu Europa league ah inkhel bul tan tura a inpeih thu a sawi. Kum 37 a upa Portuguese striker hian nilaithawhtan zanlai a Real Sociedad an hmachhawn hunah inkhel bul a tan ngeiin a rinawm.

Tun season kal mek ah Premier League match ruk atangin Ronaldo hian match khat ah bak inkhelh bul a la tan lova, inkhelh bul a tan tum hian Brentford lakah 4-0 in an mualpho nghe nghe. Ronaldo hian club pre season tour a zawm lova, heihi Dutch manager Ten Hag an a la chhawr tam loh chhan pawh ni pawh in a lang.

‘Ballon d’Or vawi nga lai dawng tawh tu hi tunkar Europa League a in match khelh turah inkhel bul a tan thei ang em?’ tia reporter te zawhna Ten Hag chuan chhangin,”Aw, thei tehreng mai. Brentford laka inkhel bul a tan hnu khan a la tan leh lova, Tunah hian inkhel bul tan turin a inring hle” a ti.

Tin, Premier League lama player chhawr tam loh Harry Maguire, Luke Shaw, Aaron Wan-Bissaka, Casemiro leh Fred te chu Europa League lama inkhelh bul tan thei tur zinga mi anni ve bawk.

Ten Hag erawh in Europa League inelna chu zangkhai taka lak a tum loh thu a sawi. ”Game tinah hnehna kan chan a ngai. Inelna awm zawng zawng ah champion nih kan duh a, chuvang chuan engkim mai hi urhsa taka kan lak a ngai. Team mai nilo in squad kan nei a, game tinah ka player zawng zawng te hi ka tilawm theilo, mahse an zavai in hun remchang pek anni dawn a, an hmang tangkai anih chuan inkhelh hun an nei belh zel ang ” a ti.

Related Posts

error: Content is protected !!