Lawrkhawm

India ramah PUBG Mobile an ‘unban’ dawn em ni?

India ramah PUBG Mobile an ‘unban’ dawn em ni?

PlayerUnknown’s Battlegrounds (PUBG) developer leh publisher PUBG Corporation chuan LinkedIn-ah India rama associate-level manager tur hire chungchang an tarlang a, hei hian mi tam tak rilru a tiphur thar hle a; mi ṭhenkhat chuan India sorkarin a ram chhunga PUBG Mobile a ‘ban’ chu a hlip dawn nia ngaiin an beisei hle bawk. Hetihlai hian job posting chungchang an tarlan avang hian PUBG Mobile chu an ‘unban’ thut dawn tihna pawh a ni kher lo thei.

Job posting chungchang an tarlannaah hian PUBG Corporation chuan hna hming chu ‘Corporate Development Division Manager’ a nih thu leh India market tinzawna merger, acquisition leh investment-a overall strategy lama hmasawnna thlen tur an zawn thu an tarlang a ni.

Hei hi mi ṭhenkhat chuan India rama PUBG Mobile meichher mit tawh rawn inchhit ṭan lehnaah an ngai a, mahse hna chungchang tarlannaah hian PUBG tih chiah a inziak a, PUBG Mobile tih a inziak miau lo a, chuvang chuan beiseina lo tihsan lutuk ringawt erawh thil tih chi a ni lo mai thei.

India sorkar hian PUBG Mobile khap mah se PC leh game console-ah erawh a khap miau lo a, Mobile-ah ni lo chuan download leh khelh theih reng a la ni a, Mobile-ah pawh playstore-ah a awm lo a ni mai a, PUBG khel ṭhinte chuan khelh dan kawng dang an la hre tho a ni.

Vanglaini

Please follow and like us: