Ibrahimovic – PSG chhuahsan turin Mbappe thurawn ka pe

AC Milan star Zlatan Ibrahimovic chuan Kylian Mbappe chu French club lian Paris Saint-Germain chhuahsan turin thurawn a pe niin a sawi.

France forward Kylian Mbappe hian thla 6 vel chauh contract a nei tawh a, January ni 1, 2022 atang chuan club dang nena inbiak tak tak a theih tawh dawn a ni.

Kum 2 vel liamta atang khan Real Madrid leh Mbappe te hi sawi zawm an lo ni tawh a, transfer window inhawn lai pawh khan lak luh an lo tum zeuh zeuh tawh. Tunah chun Real Madrid lam hian a contract zaawh hun an nghak mek niin an sawi, a contract neih hi a hmang zo a nih chuan free agent in an la lut thei dawn a ni.

Zlatan Ibrahimovic hi PSG-ah kum 4 chhung teh meuh mai hun alo hmang ve a, 2018 FIFA World Cup winner Kylian Mbappe hian hmundang environment fel zawk lama kal a mamawh niin a sawi.

“Mbappe hnenah club chhuahsan tura thurawn ka pek hi a dik a ni.” tiin Zlatan Ibrahimovic chuan Italian outlet Corriere della Sera a hrilh.

“Hmun dang environment fel fai tak a mamawh a, Real Madrid te ang club hi a mamawh.”

“Mahse, a hnuah PSG President hnenah chuan hralh lo turin ka hrilh leh” tiin a sawi bawk.

Tunah hian Mbappe hi Paris Saint-Germain tana goal khung tam lamah pathumna dinhmun a hauhva, goal 141 khung tawhin Ibrahimovic khum nan goal 16 chauh a mamawh tawh a ni. Ibra hi a khum thei a nih chuan pahnihna dinhmunah a awm thei dawn.

Source SL

Related Posts

error: Content is protected !!