Ibra – Premiere League kha nuam ka ti hle, a chhan chu haters te ka ngawih tir vang a ni

Legendary striker Zlatan Ibrahimovich hi Premiere League lama a khelh lai khan Manchester United tan a khel a, Premiere League lama khelh chu nawm a tih thu a sawi, a chhan pawh amah hawtu ‘haters’ ho vang niin a sawi tel bawk.

Kum 2016 khan Sweden international hian Paris Saint-Germain atang Manchester United hi a zawm a, Ajax Amsterdam, Juventus, Inter Milan, Barcelona leh AC Milan lamah te khel tawhin a hlawhtling ang reng viau.

English Premire League lama a luh tirh vel khan kum 35 a upa lai a ni tawh a, mi tamtakin kum 35 a upa a ni tawh a, English top flight-ah a khel thei dawn em ni tiin an sawi. Mahse, Ibrahimovic hian Manchester United chuan Community Shield leh Carabao Cup a chawi pui mai piah lamah UEFA Europa League nomawi pawh a chawi pui hial a ni.

“Nuam ka ti tak zet.” tiin Ibrahimovic chuan United lama hun a hman chungchang ESPN’s Gab & Juls Show ah a sawi.

“Nuam ka ti tak zet, a chhan chu United ka pan tirh khan mi zawng zawng khan min duh lo vek. England ah pawh min duhlo tu an thahnem hle.”

“Heng min hawtu zawng zawng te hian thla thum hnuah chuan min duh leh vek tawh a ni. Kei erawh chuan ka duh leh tawh hlawm si lo. Kei chuan min hawtu te chauh ka duh si, a chhan chu hawtu kan neih hian kan thatna alo lang chhuak thin a ni.”

“Nuam ka ti hle, Premiere League hi inelna ropui tak a ni a, a chhehvel pawh a mak dangdai hle.”

“Manchester United lama ka luh hun kha a fuh hle. A chhan chu Club hlawhtling sa-a ka lut a nih chuan thil a awlsam tawh a, an harsat lai bera ka lut kha a fuh tak zet, chona hmachhawn dan a dangdai bik. Kan hlawhtlin pui phei chuan an story-ah kan lang ve nghal thei. Fans te pawh ka chungah an lawm tak zet. Thil tamtak ka tawn te avangin ka hlim tak zet.” tiin a sawi bawk.

Manchester United lama hun a hman chhung khan match 53 ah inlanin, goal 23 lai a khung tling a ni.

Source SL

Related Posts

error: Content is protected !!