Barcelona winger Ousmane Dembele chuan hliam avangin kum nga chhung meuh hun a khawhral thu a sawichhuak.
Borussia Dortmund atanga Barcelona zawmtu Dembele hi hliam in a tibuai deuh reng a, a vanduai thin hle. Ani pawh hian a hliam avanga hun tha tam tak khawhral niin a in ngai.
”2017-2021 chhung khan hun tha tam tak ka khawhral a ni. Kum nga meuh ho lam takin a thamral a, ngai awh leh turin theihtawp ka chhuah. Hrisel leh dam tha taka hma lam ka pan zel theihnan tan ka la sauh sauh thin” tiin Dembele an hliam avanga hun tam tak a khawhral thu a sawichhuak.
Kum 25 a upa chuan sawi chhunzawmin,”Kaihza hliam ka nei deuh reng a, min enkawltu te’n ka thawkrim tawk lo anih chuan ka hliam a nat belh zel tur thu min hrilh. Koeman hnuaiah hma ka sawn hret hret a, Xavi hnuaiah chuan hma sawn tawh tak ka ni” a ti.
2017 khan Dembele hian euro 105 million in Camp Nou a pan a, hliam in a tihbuai reng avangin a inkhel rei hman meuh thin lo. Tun season ah erawh Dembele an ngai a awh chho tan a, manager Xavi hnuaiah a thiamna leh theihna te a phochhuak leh tan. Tun season league game 6 a khelh atangin goal 2 leh assist vawi 2 a nei tawh a, ram aiawha inkhel leh tur zinga koh telh a ni bawk.
