Rasmus Hojlund lo enthla fo tawh tu scout pahnihte chuan Rasmus Hojlund lâkluh tum tu Manchester United chu fimkhur hle turin an duh.
Danish striker hi Red Devils chuan lâkluh tumin tan an la mêk a, kum 20 chauha upa la ni mahse Atalanta lam chuan a manah €50 million an chhiar nia report a ni.
Man Utd chuan Hojlund hi an striker thar ni tura lâkluh an rilruk mêk a, mimal inremna pawh an neihpui tawh nghe nghe. Chutihrualin Premier League a tawnhriat la nei lo leh kum lam pawha la nuapang tak striker hi an lalut fuh kher ang em tih chu zawhna lian tak a ni mêk.
Scout pahnihte chuan Hojlund chungchangah Man Utd chu hetiang hian warning an pe, “Hojlund hi Denmark junior level atanga lo inlan chho tawh niin tunah chuan senior team tan a inlan tawh a, Copenhagen leh Strum Graz tan te a a inlan tumin a inkhel lai kan lo en fo tawh bawk. Sum tam tak inseng a lâkluh hi thil âwm lo a ni hran lova, amaherawhchu tuna an sum phut zat (€50 million) meuh hi chuan risk a sang mah mah lam a ni.”
”Premier League ah a tha em tih a la hriat lova, chuta chhapah Man Utd kawr hak hi chuan a lakah zahngaihna an nei tam dawn tih pawh a hriat. Ke veilam hmang thiam leh player chak tak a ni a, chuvang chuan Haaland nena lo khaikhin pawl pawh an awm ngei ang. Mahse Haaland level a awm a ni hauh lo ania! Haaland chu tun dinhmuna talent nei tha ber zinga mi a ni. Hojlund stats hian Haaland stats hi a hnaih lo hrim hrim.”
”Harry Kane nena a (Hojlund) hming an sawi ri dun ngawt mai pawh hi thil mak tak a ni. An inkar a zau lutuk tlat! Hojlund hian hma chu a sawn thei teh meuh mai, mahse a la naupang em em a, a lâkluhna mana sum thanem tak insen hi a hlauhthawnawm takzet a ni. Thum vawr ang deuh hi a ni ber.”