He naupang hi a hming chu Ramluahpuia niin pawl 8 a zir mek a. An unau hi 5 niin tunah hian Mualthuam ‘S’ Lunglei Dist ah a nu hovin maurap in tha lutuk tawh lovah an khawsa ve naw naw rih a ni.
Apa chuan kum 2011 khan lung tha lo avangin a nupui fanaute chu chatuan ram alo pansan tawh a ni.
Kumin March ni 10, 2021 khan a pile a cancer tih an hmu chhuak a. Zai an han tum a, mahse a taksa ah cancer natna chu a lo tai darh nasat tawh em avangin paih sen alo ni tawh lova, chubakah chemo la turin an sum neihin a tlin si lo. Tichuan sum an harsat em avangin an nufa chuan an khaw lamah an haw ta rih a ni.
Doctor chuan kumin May thla a kal leh turin a ti a, mahse pawisa an neih remchan loh avangin tun thleng hian an khua ah chuan an la inenkawl ta rih a ni. Zo Inspiration ten anu kan biak khan pawisa kawlsa cheng khat mah a neih loh thu leh a mangan thute alo sawi mawlh mawlh a, an lainatawm khawp mai.
He a natna avang hian a kumkuruh chhung chu a vung vak mai a, chubakah a tai leh mawng te chu vung chhuak bawkin han khawih hian na a tiin hrehawm a ti thei khawp mai.
He naupang lainatawm tak mai pualin tanpuina vehbur kan lo khawn sak e, tlem lua tam lua awm lovin i khawngaihna kan lo ngen sak a ni e. Sum leh paia i remchan loh pawn tawngtaina lamah tal ilo hre ve dawn nia aw.