Belgium in Portugal an hneh tum khan Kevin de Bruyne chuan hliam a nei a, nizan Italy an hmachhawn tum pawh khan hliam nei chunga a khelh thu sawiin, Belgium tana quarter final khelh chu a mawhphurhnaah a ngaih thu a sawi bawk.
Kan hriat angin nizan Euro 2020 quarter final-ah khan Belgium leh Italy an inhmachhawn a, Italy lamin 2-1 in hnehna an chang. Manchester City star Kevin De Bruyne pawh minute 90 lai a khel a, Belgium XI a a tel te kha mi tamtak mak tih a ni.
A chhan chu Round of 16 a Belgium in 1-0 Portugal an hneh tum khan a ke rek (ankle) ah hliam a nei a. Mahse, Belgium medical staff ten thil mak thlen tirin, Azzurri a hmachhawn thei a ni.
“Keimah bikah kar 4 emaw kar 5 vel hi chu ka tan a mak hle.” tiin De Bruyne chuan game khelh zawh khan UEFA a hrilh.
“Mahse, Belgium medical staff te hnenah lawmthu ka sawi duh a, vawiina ka khel thei hi thil mak a ni. A chhan chu ka ke rek hi a ngaihtuahawm tak zet.”
“Mahse, vawiinah hian ka ram tana khelh chu ka mawhphurhnaah ka ngai a, thil tamtak ka ti theilo erawh a tha lo hle.” tiin a sawi bawk.
Nizan Belgium leh Italy inkhelhah khan Italy lamin first half ah 2-0 in hma an hruai a, Nicolo Barella leh Lorenzo Insigne in goal an khung a, first half tawp dawn tepah Romelu Lukaku chuan penalty hmangin goal khat a khung ve bawk.
Italy raced into a 2-0 lead in the first half at the Allianz Arena through goals from Nicolo Barella and a wonder strike from Lorenzo Insigne, before Romelu Lukaku’s penalty gave the Red Devils hope prior to half-time.
Belgium lam hian an draw teuh thei hle a, mahse, huntawp thlengin draw theihna goal dang a luh belh tawhlo. Italy game a mawi em em a, an khel tha hle. Euro 2020 Champion tura rinkai ber pakhat anni mek.
“Hnehna kan chan theihnan kan engkim hlan kan tum niin ka hria, goal tha tak mai an khung a, mahse, an goal khat khungna kha chu keimahni lam atang tihsual vang a ni” tiin Kevind de Bruyne chuan a sawi belh.
“Ball an chang tam zawk a, kan tan ball a lut theilo, a zahthlak hle, a tla zawk nih chu englai pawhin thil duhawmlo tak fo mai.”
Source Mailonline