Hlawh tam zawk phut Chelsea star chungah Roman Abrahimovic a thinrim

German defender Antonio Rudiger chungah Chelsea neitu Roman Abrahimovich a thinrim niin report in a tarlang. Chelsea centre back hian Stamford Bridge-ah hian a contract neih kum hnuhnung ber a hmang mek a ni.

Antonio Rudiger hian contract thar a sign dawn chuan kum khatah €10 million tal hlawh a duh niin report in a tarlang a, engemaw vangin Chelsea lam hian an la remti rih lo niin a lang. Hei vang hian Antonio Rudiger chuan amah duh club dang ngaihven a tum deuh niin an sawi.

Kan hriat angin Antonio Rudiger hi Thomas Tuchel hnuaiah Europe defender tha ber pakhatah a inchhuah a. A chet that lai vel takin contract pawhseina remchang tak a ni bawk.

Rudiger hian a hlut dan leh a hlawh a inmil lo niin a ngai a, hlawh tam zawk a phut. Club dang pawhin Rudiger contract neih hi summer transfer lo awm turah a zo dawn tih an hre fur a, summer transfer lo awm turah free agent in a lak theih dawn.

English club ni lo te pawhin January thla hian Chelsea pre contract an sign pui thei dawn a ni. Rudiger lak tum zingah hian Real Madrid an langsar hle.

Antonio Rudiger hian Chelsea lamah hlawhtling taka hun a hman avangin sum hmuhna remchangah hman a tum nghal, hei vang hian Chelsea neitu Roman Abrahimovich a thinrim a, defender chungah hian a lungawilo hle niin report thenkhatten an tarlang.

Chelsea defender Antonio Rudiger thlaktu tura rinkai te

Roman Abrmovich’an Chelsea a enkawl hnu chuan Chelsea lamin sum lamah harsatna an nei mang lo. Russian pahausa hi club tan a impukpek tawp a, Kum 17 chhungin hlawhtlinna hrang hrang an chang tawh a ni.

Chelsea hian Rudiger hlawh phut zat hi a pawmpui dawn lo niin a lang a, hetiang anih takah chuan a chhuah mai loh chaun thlan tur dang a awm lovang. Chelsea chuan Rudiger thlaktu tur an ngaihtuah nghal a ngai dawn  a ni.

Stamford Bridg lama Rudiger thlaktu tur hian Europe defender tha tak tak leh Chelsea te hi sawi zawm mek anni a, Paris Saint-Germain captain Marquinhos, Juventus star Matthijs de Ligt leh Sevilla defender Jules Kounde te pawh an tel a ni.

Jules Kounde phei hi chu summer transfer hnuhnung berah khan Chelsea lamin lak luh an lo tum tawh a, mahse, Sevilla duh ang an ti hlawhtling theilo.

Chelsea in Jules Kounde lak luh tumna an neih chu an la bansan thei tak tak lova, hei mai bakah an academy player Fikayo Tomori pawh lak let leh an rilruk niin an sawi.

Source SL

Related Posts

error: Content is protected !!