Manchester City tana che tha em em Joao Cancelo chu Pep Guardiola’an a fak hle. Portuguese star hi attack leh defence lamah a thawhhlawk hle a ni.
Tun season khelh mekah Cancelo hi left-back ah a khel a, Benjamin Mendy hi khuahkhirh rih niin, Oleksandr Zinchenko pawh pitch chhung leh pawn lamah harsatna ala nei mek bawk.
Juventus star hlui Joao Cancelo hi a role tharah a che tha em em a, all competion-ah Manchester City chu a puih nasa em em a ni.
Champions League match a PSG an hmachhawn tur chungchangah Pep Guardiola chuan media te hmaah thusawina a nei a, Cancelo hi a fak bang thei lo.
“Joao Cancelo han tha takin a ke pahnih a hmang ve ve thei a. A khelh thinna pangai chu dinglamah a ni, tunah hian veilamah kan khelh tir a, a che tha tak zet. Player position pangai atanga position danga khelh tir chuan tha taka an chet dawn chuan hun a duh deuh thin, kei ngei pawhin hun ka mamawh. Kan duh anga khel turin hun a mamawh a, dawh theih a ngai, a chang chuan hun a duh tam lo.” tiin Pep Guardiola chuan a sawi.
“Mahse, Joao Cancelo erawh a thlen rualin a khel tha nghal a, quality tha tak a nei a, football khelh hi nuam a ti hle. Riyad Mahrez, Phil Foden te ang player i hmuh chuan i kutah lunghlu awm ang a ni. Player tam zawk hi chu football an duh a, mahse, heng player pathum te erawh hi chu, khawlai leh school vela khel ang mai anni. A ropui hle. Hei vang hian Joao Cancelo hi a game ah a nghet a ni.” tiin a sawi bawk.
Manchester City boss Pep Guardiola chuan Joao Cancelo chu Philipp Lahm leh Dani Alves te nen a khaikhin.
“Tunah hian Bayern tan Philipp Lahm khelh ang maiin a khel a, Philipp Lahm hi full bak ka hmuh tawhah chuan player tha ber a ni. Mahse, Joao hian Dani Alves quality neih that ang a nei.” tiin Philipp Lahm leh Dani Alves te hming a sawi tel ve bawk.
Source SK