Argentina leh Paris Saint-Germain midfielder Leandro Paredes chuan Argentina in 2021 Copa America nomawi an chawi chungchang sawiin, tun anga Lionel Messi hlim lai hmel a hmuh ngai loh thu a sawi chhuak.
Kan hriat angin kum 1993 khan Argentina chuan Copa Nomawu vawikhatna an chawi a, hemi hnuah Argentina chuan Brazil chu Copa America final ah hnehin nomawi an chawi leh thei a ni.
Argentina in Copa America 2021 nomawi an chawi hi Lionel Messi tan International trophy hmasa ber a ni. Argentina squad-a awwm zawng zawng ten Messi an lawmpui thu an sawi vek. Chuatiang bawkin Paredes pawhin Messi chungchang a sawi ve bawk.
“Keini chauh nilovin, Argentina mi 45 million lai maiin Argentina National Team hian nomawi chawi se tih chu an duh. He thil thlen theihna atan hian kan zavai mai hian kan thawk hova, kan hlawhtling ta a ni.”
“Hetiang ang em em a hlim hmel hi ka la hmu ngai lo. Kan kiangah hian nuam a ti in a hlim hle. Graduation trio ang maiin kan hlim.”
“Hnehna kan chang, a chhan chu mi zawng zawng kan hneh hnuin, final kan lut. Kan tan chuan Copa America ropui tak a ni, kan duhthusam a thleng dik.”
Argentina in Copa America 2021 nomawi an chawi theihnaah Paredes pawh hi player pawimawh tak pakhat a ni. Argentina boss Lionel Scaloni hnuaiah Starting XI pawimawh tak pakhat a ni.
Source 90Min