Mizo Football

Henry – Eng vangin nge Zidane’an Man Utd enkawl a chak lem loh?

Huapzau

Arsenal leh France legend Thierry Henry chuan Zinedine Zidane’an Manchester United manager nih a duh loh chhan a sawifiah.

Kan hriat angin season hmasa a zawh rual khan Zidane’an Real Madrid a chhuahsan a, tunah hian free agent in hun a hmang mek. Manchester United leh Juventus nena sawi zawm a ni mek bawk.

Mahse, Henry chuan France lama a teammate hlui Zidane chungchang sawiin, Zidane hian Les Bleus hna ruah hun a nghak a, hei vang hian Old Trafford lama luh chu a duh rih lo niin a sawi.

Real Madrid’s French coach Zinedine Zidane gesures during the Spanish league football match Real Madrid CF against Villarreal CF at the Alfredo di Stefano stadium in Valdebebas, on the outskirts of Madrid, on May 22, 2021. (Photo by JAVIER SORIANO / AFP) (Photo by JAVIER SORIANO/AFP via Getty Images)

“Zidane hi Man Utd ah a lut ang maw? Tunah rih chuan a duh ka la ring lo” tiin Thierry Henry chuan CBS Sports a hrilh.

“Eng vangin? A chhan chu, National team coach nih hun a nghakin ka hria”

“France coach nih tumna hi a neih ngei ka ring”

“Ka hmuh belh zel a, Mauricio Pochettino pawh hi a chhuah ka ring lo, mahse, Pochettino hi a chhuak a nih chuan PSG hna erawh Zidane tan a ni mai” tiin a sawi bawk.

England lama report thenkhatte tarlan dan chuan, RB Leipzig manager hlui Ralf Rangnick chu season khelh mek atan interim coach angin an la lut dawn niin an tarlang.

Source Sl

error: Content is protected !!