Tunah hian England hi player naupang, talent nei tha tak tak a nei nual a. Thenkhatte phei chu Premiere League lamah pawh an duailo hle.
England atang hian player naupang zawk leh talent nei tha tak tak te an rawn chhuak nual tawh a, Steven Gerrard, Frank Lampard, Wayne Rooney, John Terry leh Ashley Cole te pawh hi an hunlai chuan player naupang talent nei tha tak tak vek anni. Mahse, mak deuh mai chu heng player tha kan tih te hian England tan major trophy an chawi lo a ni.
England rawlthar player tha thenkhatte chu club leh ram tan hmunkhatah an lo khel thin tawh a ni, Callum Hudson-Odoi, Phil Foden leh Jadaon Sancho te hi an hlawhtling thawkhat viau mai, Kum 2017 khan India ah U 17 World Cup an lo khel tlang hlawm tawh a, an champion nghe nghe.v
UEFA Euro 2020 ah khan Foden leh Sancho chu England tan khel tawhin, player rawlthar tha thenkhatte erawh an la khel lova, tun tumah hian England rawlthar 5 England team tana khel thut thei kan rawn tarlang ve leh dawn a ni.
5 Jacob Ramsey (Aston Villa)
Jacop Mattheu Ramsey hi kum 2001 khan Birmingham, England ah alo piang a, kum 2007 khan kum 6 a upa niin Aston Villa academy a zawm. Youth ranks angin kum 12 chhung hun a hman hnuin, kum 2019 khan senior team ah a kaichho a ni.
2019 kum a tawp meuh chuan Aston Villa 2019-19 Academy Player of the Season atan thlan a ni. Nikum lamah khan game tam zawk khelh theihna tur leh experience a neih theih nan Doncaster Rovers lamah loan a thawnchhuah a ni.
Kumin hian Ramsey chuan kum 4 chhung atan Villans-ah contract thar a sign a, Arsenal laka 3-1 a an tlawm tum khan Premiere League goal hmasa ber a khung a ni. England senior team tan a khelh thuai a rinawm.
4 Conor Gallagher (Crystal Palace, on loan from Chelsea)
Conor John Gallager hi kum 2000 khan Epsom, England ah alo piang a, a career intanna chu Epsom Eagles tan a ni. Kum 2008 khan Chelsea youth a zawm a, club hrang hrangah loan in a chhuak nasa, loan a a chhuahna club te chu Charlton Athletic, Swansea City, West Bromwich Albion leh tunah hian Chelsea atangin Crystal Palace ah loan in a khel mek.
Gallagher hi Chelsea tan game ala khel rih lova, mahse, 2019 UEFA Europa League Final-ah khan substitute angin a awm. 2018-19 season ah Chelsea’s Academy Player of the Year award a dawng nghe nghe.
3 Harvey Elliott (Liverpool)
Harvey Daniel James Elliott hi kum 2003 khan Chertsey, England ah a piang a, Queen Park Rangers atanga rawn chawr chhuak a ni. Kum 2018 khan Fulham Academy a zawm. Hun tam a liam hmain The Cottager senior team ah a kai chhova, a che tha hle.
Kum 2018 khan Fulham player bikah EFL Cup khel thei naupang ber a ni. Kha tih lai khan kum 15 leh ni 174 a upa chauh a ni. Kum 2019 ah pawh khan Premiere League khel thei naupang ber a rawn ni leh a, kha tih lai khan kum 16 leh ni 30 a upa chauh a ni.
Kum 2019 ah Elliott hian Liverpool zawm theihna chance tha tak a nei a, a zawm nghe nghe. Liverpool tana game khel thei naupang ber a ni bawk.
2 Emile Smith Rowe (Arsenal
Emile Smith Rowe hi kum 2000 khan Croydon, England ah alo piang a, kum 2010 ah Arsenal academy a zawm. Arsenal atanga rawn chawr chhuak a ni. Kum 2017 khan a vawikhatna atan professional contract a sign.
Arsenal tan a che tha hle a, Arsenal player atang Old Trafford a goal khung thei naupang ber a ni mek. Anelka a khum. England National team ah a tel vat a rinawm.
1 Mason Greenwood (Manchester United)
Mason Will John Greenwoos hi kum 2001 khan Bradford, England ah alo piang a, kum 2007 khan Manchester United youth academy a zawm.
A kum la naupang rih viau mahse, Man Utd team tana goal khung thei tak pakhat leh che tha tak pakhat an i. England national team tan ala khel rih lova, a khelh thuai a rinawm.
Source SL