Kan hriat angin Manchester United player thar Cristiano Ronaldo chuan Edinson Cavani hak lai jersey number 7 chu a ha leh dawn a. Tun tumah hian player thenkhatten an jersey hak number midang an pek te kan rawn tarlang ve leh dawn a ni. Thenkhatte phei hi chu tihluihna a pek tir anni in a lang.
Nimin khan Red Devils lam chuan Cristiano Ronaldo’an jersey number 7 a hak tur thu an confirm a, an sawi zel danah number 7 hatu Edinson Cavani chuan hlim takin kum 36 a upa C Ronaldo hnenah number 7 hi a pe niin an sawi.
Hei hi a vawikhatna chauh a ni lova, kum 2018 a Real Madrid atang Juventus a zawm tum khan Juan Cuadrado pawhin phal takin jersey number 7 chu C Ronaldo hnenah alo pe tawh a ni.
Engpawhnise, tun tumah hian player 9 ten an jersey hak lai number midang an pek chhawn te kan rawn tarlang ve leh dawn a ni.
9. Antonio Valencia – Kum 2014 khan Manchester United jersey number 7 chu ha tawh mahse, a thlak leh nghal.
8. Anthony Martial – Kum 2016 khan Anthony Martial’an Zlatan Ibrahimovic hnenah jersey number 9 alo hlan tawh a, hei hi an nawr lui (force) niin report in a tarlang.
7.Javier Pastore Pawhin kum 2017 khan Paris Saint-Germain jersey number 10 chu Neymar hnenah alo hlan
6. Juan Cuadrado – Kum 2018 khan Juventus jersey number 7 chu Cristiano Ronaldo hnenah a hlan
5. Mariano Diaz – Kum 2019 khan Real Madrid jersey number 7, a hak lai chu Eden Hazard hnenah a hlan.
4. Edinson Cavani – Kuminah a hak lai Jersey number 7 chu Man United player lak luh thar Cristiano Ronaldo hnenah a hlan.
3. Thilo Kehrer – Paris Saint-Germain defender hian Sergio Ramos hnenah a hak lai number 4 chu a hlan.
2. Alexandre Letellier – Kumin 2021 ah hian Paris Saint-Germain jersey number 30 chu Lionel Messi a hlan.
1 Martin Braithwaite – FC Barcelona star thar Memphis Depay hnenah jersey number 9 a hlan.
Source SL