Football-ah chuan result tha hi a pawimawh em em a, hnehna chan pui hi thil harsa tak pakhat a ni. Football khawvelah manager ropui tak tak te kan hmu nual tawh a, Pep Guardiola, Jurgen Klopp leh Sir Alex Ferguson te hi coach ropui tak te anni, coach ropui hi an rawn la chhuak zel dawn a ni.
Tun tumah hian manager naupang, managerial career bul tan thenkhatte kan rawn tarlang ve leh dawn a, tun atanga rei vak lovah manager ropui tia sawi theih anni ang em?
5 Ruben Amorim – Sporting Lisbon
Benfica player hlui Ruben Amorian hi Sporting Lisbon chhandamtu kan ti thei mai thei. Ani hi Benfica lamah a career a hmang tam zawk a, Sporting Lisbon a enkawl hnuah khawvel team tha ber pakhat a nih pui.
March 2020 thla khan Sporting Lisbon chu enkawl tanin, kum 19 chhungin a vawikhatna atan Sporting Lisbon chu league nomawi a chawi pui. Hemi season thovah hian Portuguese League Cup nomawi a chawi pui bawk.
Amorim hian Sporting Lisbon chu UEFA Champions League Round of 16 a luh pui a, Sporting history-ah UCL Round of 16 luh pui thei manager pahnihna chiah a ni.
Round of 16 ah hian Premiere League champions Manchester City an hmachhawn ang.
4 Patrick Vieira – Crystal Palace
Roy Hodgson’an managerial career a chawlhsan hnuah Arsenal legend Patrick Vieira chuan Crystal Palace a enkawl a, Arsenal lamah ropui viau mahse, Manchester City atang coaching licence a hmu a ni. U21 leh Youth League lamah Man City a enkawl hmain, Citizens academy manager alo ni tawh bawk.
Crystal Palace a enkawl hnuah result tha a hlawhchhuak ve nual, Manchester City, Everton leh Tottenham Hotspur te chu hnehin, Arsenal leh Leicester City a draw pui bawk.
Round 17 an khelh zawh hnuah Crytal Palace hi Premiere League table-ah 11 dinhmun an hauh a, Vieira pawhin fak a phu hle niin a lang.
3 Marco Rose – Borussia Dortmund
RB Salzburg leh Borussia Monchegladbach boss hlui Marco Rose hian hma a sawn hle a. Tun season khelh mekah pawh Borussia Dortmund a chet that pui hle.
Rose hian 4-4-2 formation a hmang tam ber a, mahse, a changin hmaah 3 a dah leh thin. A hnuaiah Dortmund hi attack leh defence lamah an tha hle.
Bundesliga khelh mekah Dortmund chu pahnihna niin, pakhatna Bayern Munich chu point 6 chauhvin an hlat mek.
2 Steven Gerrard – Aston Villa
Liverpool legend Steven Gerrard’an kum 3 chhung Rangers a enkawl a, a enkawl chhungin hmasawnna tamtak an hmu. 2018-19 season atang khan enkawl tanin, Game 12 lai mai unbeaten run a nei pui. A bul tan dan a tha tak zet.
Steven Gerrard hian kum 10 hnuah Ranger chu a vawikhatna atan Scottish Premiereship nomawi a chawi pui. 2020-21 season ah phei kha chuan vawikhatmah a tlawm pui lova, hei hi an history thar a ni.
Tunah hian Premiere League club Aston Villa enkawlin match 6 a khelh pui tawh atang match 4 ah hnehna a chan pui tawh a, Premiere League table-ah 10 na dinhmun a hauh pui mek bawk. Managerial career ah hmalam hun eng tak a nei a ni.
1 Julian Nagelsmann – Bayern Munich
Bundesliga champions lai Bayern Munich hi Europe team tha ber pakhat anni. Paris Saint-Germain, Barcelona leh Manchester United te ang thovin che tha em em lo mahse, tun season team che tha ber pawl anni. An coach Julian Nagelsmann hi coach tha tak a ni bawk.
Coach naupang hma hun eng tak nei a ni.
Source SK