Kum tamtak chhung Top flight football an lo khel thin tawh a, mahse, heng league sang tak tak an khelh hnuin, hmundangah an insawn a, football an la khel chhunzawm zel. Tun tumah hian football club liana lo khel tawh leh league sang lama lo khel tawh player mahse, football an la khel reng a ni tih kan hriat loh player 5 te kan rawn tarlang ve leh dawn a ni.
5 Javier Pastore
Javier Pastore hi Paris Saint-Germain ah khan a langsar ve hle. La Liga lama a insawn hnu khan hun harsa tak a hmang chho tan a ni. Kum 32 a upa Argentinian hian an khuaa club pakhat tan reilo te hun a hmang a, kum 2009 khan Italian club Palermo a zawm a ni.
Pastore hi midfielders talent nei tha tak leh thawkrim tak pakhat a ni. Kum 2011 a PSG in an lak luh lai khan legends Kaka leh Zinedine Zidane nena khaikhin alo ni ve thin. PSG lama hun a hman chhung khan hlawhtlinna tamtak a hmuh pui hman a ni.
France club lian PSG tan match 269 lai maiah a inlan a, PSG lamah khelhna hun a chan tlem tawh avangin AS ROma a pan a ni, heta tang hian hniam lam a pan zel. Roma lamah hun harsa tak a hman hnuin, 2021-22 season tan tirh khan Elche a zawm a, tun thleng a khel mek.
4 Martin Skrtel
Martin Skrtel hi Premiere League player tawn harsa tak pakhat a ni, Liverpool lama a khelh lai kha chuan defender tha tak pakhat a ni. Mahse, a duh ang leh beisei angin a career a hmang lo.
Kum 2008 khan Skrtel hian Liverpool a zawm a, Liverpool a zawm hma hian Zenit tan a hlawhtling hle. Kha tih laia amah la luttu chu Rafael Benitez hi a ni, a hunlai kha chuan defender tha tak pakhat a ni.
Benitez hnuaiah khan regular takin a khel a, Liverpool tan match 32o lai mai a inlan hman. Liverpool chu EFL cup a chawi pui a. Jurgen Klopp’an Liverpool a rawn enkawl tan lai khan a plan ah Skrtel hi a awm lova, kum 2016 khan Fenerbahce a pan ta a ni. Hemi hnu hian club dang pahnih a zawm a, 2021-22 season tan tirh khan Spartak Trnava a zawm ta a ni.
3 Ricardo Quaresma
Ricardo Quaresma pawh hi a hunlai kha chuan Player tha tak mai a ni a, Portugal in major international trophy an chawi hmasak ber 2016 UEFA European Championship final-ah pawh khan C Ronaldo thlakin chakna goal-ah khan a inhnamhnawih.
Kum 20 chuang career a hmang a, club hrang hrang 9 ah te a khel kual a, Barcelona, Inter Milan leh CHelsea-ah te pawh alo khel kual tawh a ni. Tunah hian an ram lamah Vitoria Guimaraes tan a khel mek.
2 John Obi Mikel
Manchester United leh Chelsea chuan John Obi Mikel lak luh tumin an inchuh a, mahse, Chelsea lamin Lyn Fotball atangin an la lut ta zawk a ni. Chelsea lamah hian season 11 chhung teh meuh mai a hmang a, Chelsea legen pakhatah a inchhuah. Domestic trophy thahnem tak a chawi pui a 2012 khan Champions League nomawi a chawi pui bawk.
2017 atang khan club hrang hrang 5 ah a kel kual hman a, Tunah hian Kuwait FC tan khel mekin November 2021 thleng contract a nei mek.
1 Rafinha
Bayern Munich chuan kum 2011 khan Schalke 04 atangin an la lut a, German lamah a hlawhtling thawkhat viau. KHa tih lai khan Philipp Lahm te an la awm a, an position pawh a inang chiah. Rafinha hian khelhna huntha a hmu zeuh zeuh thin a. Kum 8 chhung teh meuh mai Bayern ah hian a awm hman a, trophies pawh 18 lai a chawi pui hman. Bayern Munich nena an inthen hnu hian a professional football chu a zuih tan a.
Kum 2019 khan Brazilian club Flamengo lamah lutin, hemi hnu lawkah Olympiacos tan a khel leh. Tunah hian Brazil club Gremio tan a khel mek a, Kum 2021 tawp rualin a contract neih hi a zo ve dawn a ni.
Source SK