Bayern Munich star Harry Kane hian kar khatah £400,000 lai a hlawh mek a, he a contract neihah hian special clause awmin a clause neih a hlawhtlin theih nan goal emaw assist vawi 13 chiah a mamawh tawh a ni.
Kan hriat angin kum 30 a upa Harry Kane chuan summer transfer lai khan Tottenham Hotspur atang Bundesliga club lian Bayern munich hi a zawm a, a man hi £86 million lai a tling a ni. Bayern Munich boss Thomas Tuchel hnuaiah season bul a tan tha hle a, goal khung lamah pawh a duailo hle.
England tana goal khung hnem bertu Harry Kane hian tun season khelh mekah Bayern Munich tan goal 21 a khung mai bakah assist vawi 7 a nei mek a, he a goal khung zingah hian hat-trick vawi 3 a tel bawk.
Bayern tana a game hnuhnung 6 ah goal ala khung vek rih a ni. German publication BILD in an tarlan danin Harry’an tun season khelh mekah goal 40 emaw a ai tam a khung hrim hrim chuan €250,000 [£218,000] lai a dawng dawn niin an tarlang.
Tun dinhmunah hian goal 28 lai maiah a inhnamhnawih tawh a, a clause neih hlawhtling tur chuan goal 13 vel a khung belh rih a ngai dawn a ni.
Tottenham chairman Daniel Levy pawhin August thla khan buy back clause anneih thu alo sawi tawh anih kha, Tottenham lam hian an player hlui hi an la lut leh thei dawn tihna a ni.