Harry Kane hi Premiere League champion Manchester City nena sawi zawm a ni a, tun tumah hian Tottenham Hotspur striker hmalam hun tur chungchangah transfer update hnuhnung ber kan rawn tarlang ve leh dawn a ni.
Kan hriat angin Harry Kane chuan May thla khan North London club chhuahsan a duh thu a hrilh a, chhuah a duh chhan nia an sawi dan chuan major trophy chawi duh vang leh chona thar hmachhawn duh vang niin an sawi.
The Sun in a tarlan dan chuan Daniel Levy chuan Harry Kane hi chhuah a phal niin an tarlang a, amah duhtu zinga langsar tak pakhat Man City chuan striker an lak luh theihna turin £160 million lai an phal niin an sawi a, Man City in an la lut thei a nih chuan kar khatah £400,000 lai a hlawh thei dawn a ni.
Harry Kane hi Manchester United, Chelsea leh Paris Saint-Germain te nen sawi zawm ni mahse, Manchester City lam an langsar hle.
Mahse, Manchester Evening News tarlan dan chuan, Citizens lam hian Golden Boot winner vawi 3 lo dawng tawhtu Harry Kane man atan £160 million pek an tum lo niin an tarlang ve thung.
Zirtawpni khan report thenkhatin an tarlan dan chuan Spurs chairman Levy chuan Harry Kane hi chhuahtir a tum leh lo niin an sawi a, season thar atan an thiampuipa hi dah rih a duh niin an sawi bawk.
Source SL