Harry Kane manah Graham Potter an pawisa leh player pêk tel phal?

Chelsea manager thar Graham Potter chuan Harry Kane lakluh theihnan sum mai bakah player pêk tel a phal niin report chuan a tarlang.

Blues hian tun hnai kumah striker an nei fuh hleithei lova, transfer bazar liamta khan transfer window inkhar ni ah hun reilote tana an buaina sukiang turin Pierre-Emerick Aubameyang an lalut.

Calciomercato tarlan danin Graham Potter an Premier League-a tawnhriat nei tha Harry Kane lakluh a tum hle a, England captain an lakluh theihna tur anih phawt chuan nakkum transfer bazar ah sum fai mai bakah an player loan a an chhuahtir Romelu Lukaku chu Tottenham lamah an thawn phei ang.

Spurs manager Antonio Conte an Belgium striker Romelu Lukaku hi a hmang thiam hle a, Inter Milan ah heng mi pahnih te hian Serie A nomawi an lo chawi dun tawh anih kha. Inter tana che tha tak Lukaku an £97.5 million in Stamford Bridge pan mahse Tuchel hnuaiah beisei a pha lova, Chelsea kawr haa season khat a hmanral hnuin a club hlui Inter Milan lamah loan a thawnkir a ni.

Chelsea hian Lukaku chu kum 2 chhung atan loan-in chhuahtir mahse a khelhthat loh chuan Inter lam hian tun season tawp rualin Chelsea lamah an thawnkir leh thei ang. Lukaku hian tun season ah hliam avangin a la inkhel thei mang lova, game thum chauh la inlanin goal 1 a khung.

Sky Sports Germany tarlan danin nakkum transfer bazar ah Bayern Munich lam pawh in Harry Kane lakluh an tum dawn a, Harry Kane agent chu Bayern lam hotute hian inbiakna an neihpui der tawh.

error: Content is protected !!