Harry Kane chuan Euro 2020, England tana a duty laiin Tottenham lama a boss hlui Jose Mourinho’an a text thu a sawi chhuak.
Kan hriat angin April thla khan Spurs chuan an coach atangin Jose Mourinho an ban a nih kha. Rei vak lovah Seria A club AS Roma chuan an coach thar atan an la lut nghal a ni. Harry Kane chuan a pu hlui Jose Mourinho chu a fak hle. “Mi ropui tak a ni, minlo text” tiin Harry Kane chuan talkSPORT a hrilh. “Amah nen hian relionship tha tak kan nei a ni.” tiin a sawi bawk.
“Manager ang leh a mimal tak pawhin ka zah tak zet a, Roma-ah hian ka duhsakna sang ber ka hlan a ni. Khawvel manager tha ber inkawl thei hi invannei hle. Englai pawhin amah chu ka zah a, ka career chhung zawng zawng hian kan inbiak reng theih ka beisei”
England international hian Tottenham boss thar Nuno Espirito Santo chungchang a sawi bawk a, “Manager thar an rawn luh hian, club ah level sang tak a awm dawn tih a hriat theih. Tunah rih chuan club ah ka la awm lova, amah nen kan la inbe rih lo.” tiin Spur boss thar Nuno Espirito Santo chungchang a sawi.
“Tunah rih chuan England nen hian kan la awm hrang rih a, ka ngaihtuahna zawng zawng chu Euro-ah ala ni. Karkhat vel chauh kan nei tawh. Manager ropui tak a ni a, Wolves-ah khan hna ropui tak a thawk a, an khel tha hle. Euro khelh zawhah kan inbiak ngei ka ring.”
Harry Kane hi Tottenham chhuahsan tum anga sawi a tam hle a, mahse, coaching staff te chuan la awm tir rih an tum dawn.
Tottenham director thar Fabio Paratici chuan Harry Kane chungchang sawiin, “Tottenham-ah hian Harry Kane hi la awm tir rih kan duh.” tiin Sky SPorts a hrilh.
“Striker tamtak ka hmu nual tawh a, Cristiano Ronaldo, Alvaro Morata, Gonzalo Higuain, Carlos Tevez te, Kane hi khawvel striker tha ber pakhat a ni. A ke pahnihin goal a khung thei ve ve a, assist tamtak a nei thei bawk. Team player leh finisher a ni bawk. Khawvel striker tha pathum zingah a tel” tiin a sawi bawk.
Source SB