Hakimi’an a zawna free kick vawi 2 a pet goal hnuin, PSG lama a teammate Messi leh midang te message a thawn

2021 Africa Cup of Nations khelh mekah Morroco fullback Achraf Hakimi chuan a zawnin free kick vawi 2 a pet goal a, hemi hnu hian Lionel Messi leh Paris Saint-Germain lama a teammate thenkhatte hnenah message a thawn niin report in a tarlang.

Kum 23 a upa Hakimi hi tournament neih mekah a che tha ang reng hle a, Morrocco game 2 ah hnehna a chan pui a, direct free kick hmangin goal 2 a khung ve ve a ni.

January ni 18 khan group stage match Gabon nena an khelh tum khan, Real Madrid rawlthar hian minute 84 naah draw na goal a khung a, hemi tum hian 2-2 in an indraw a ni.

Nimin lawkah Morrocco chuan AFCON quarter final stage ah Malawi hmachhawn lehin 2-1 in hnehna an chang a, Hakimi hian direct free kick hmangin hnehna goal a khung a ni. Malawi lam hian minuted 7 naah goal khung mahse, Morrocco lam an rawn comeback chiang hle.

Game khelh zawh khan Hakimi chuan club lama a kir leh hunin free kick pettu a nih tur leh tur loh chungchang chu a teammate te thuthluknaah a innghat dawn niin a sawi.

“Paris-ah chuan free kicks pet thei player kan nei nual,” tiin Hakimi chuan ESPN a hrilh.

“Messi, Neymar, Mbappe te an awm a, chan ngei chu ka tum ang, mahse, a harsa dawn. Paris lama ka kir leh hunin anmahni chu ka bia ang.”

“Tunah rih chuan national team tan chuah ka la focus rih a, mahse, Paris-ah hian eng nge thleng dawn kan hmu ang.” tiin Hakimi chuan Paris Saint-Germain free taker nih a duh chungchang a sawi.

Source SL

Related Posts

error: Content is protected !!