Norway national team doctor chuan Erling Haaland’an hliam a neih chungchangah updates a rawn siam a, Manchester City tan chanchin duhawmlo tak a ni thei dawn niin a lang.
Norway leh Faroe Islands ten nimin khan friendly match an khel a, he friendly match-ah hian Erling Haaland chu bench atanga rawn lutin hun tawp dawn lamah hliam a nei hlauh a ni.
Norway doctor Ola Sand’an national outlet Vg a hrilh danin Haaland’an a ke rek (ankle) ah hliam a neih thu a sawi chhuak a, a hma a hliam a neih na ngaiah a nei leh niin a sawi.
Kan hriat angin Manchester City chuan kar leh lamah khian Liverpool an hmachhawn dawn a, hetah hian a khel thei dawn nge dawn lo tih chu zawhna tam ber a ni. Liverpool leh Man City inkhelha chak zawk zawk hi Premiere League table chung bera awm tur anni dawn.
Norway squad atangin Haaland hi a inhnukdawk tawh a, Norway coach Stale Solbakken chuan Haaland thlaktu tur a nei ta lo a ni.
Mahse, Norway squad-a a tello hnuin City tan erawh tlemin ngaih a ngam ve thei deuh mai thei, a chhan chu Haaland hian kar khat vel inenkawlna hun a nei thei dawn a, Norway doctor Sand chuan a hliam neih hi a serious em em lo niin a sawi bawk.
Pep Guardiola hian player hliam a nei nual a, City hian an player pawimawh telloin big game an khelh zeuh zeuh a ngai dawn niin a lang.
Tun dinhmunah Nathan Ake, Ederson leh Matheus Nunes ten hliam annei mek a, heng ho hian hliam neih avangin international break-ah pawh an ram tan an khel theilo a ni.
John Stones leh Kevin De Bruyne pawhin hliam annei a, Premiere League lamah an rawn kir hnai niin reports in a tarlang.