Haaland aia Mbappe thlangtu City defender hlui

Manchester City defender hlui Micah Richards chuan Erling Haaland aiin Paris Saint Germain forward Kylian Mbappe a thlang a, French international che vel leh khelhdan chu a duh chi tak a ni bawk.

Ronaldo leh Messi hun a liam zel a, tunah chuan kum 22 a upa Haaland leh leh kum 23 a upa Mbappe te chu mipui mit fuk tanna a ni mêk. Heng player pahnih te hian goal an khung thei in team innghahna ber anni chho tan.

Tun season kal mêk ah Norway striker Erling Haaland hian goal 13 a khung tawh a, French forward Kylian Mbappe an goal 10 a khung ve tawh bawk. Player pahnih te hian nizan Champions League match khan an team tan goal 1 ve ve an khung bawk.

Player pahnih te hi mi tam takin an khaikhin chho tan a, Manchester City right back hlui Micah Richards pawh in a duh a thlang. “Mbappe ka thlang ang, ani ang player hi ka duh a, a che vel leh a khelhdan te hi a hmuhnawm thin hle” tiin Haaland aia Mbappe a thlan zawk thu a sawichhuak.

‘Chuti chu Manchester City tana khel turin Erling Haaland aiin Kylian Mbappe i thlang maw?’ ti a an zawhna Richards chuan chhang leh in,” Aih, number 9 player anih ang in City tana khel tur chuan Haaland ka thlang. Amaherawhchu attacking position hrang hrang (overall) a khel tur chuan Mbappe ka duh zawk” a ti.

Related Posts

error: Content is protected !!