RB Leipzig sporting director chuan kumin nipui bazarah Josko Gvardiol an Manchester City zawm a duh thu a sawi chiang.
Pep Guardiola chuan Gvardiol hi a squad a telh a duh a, a sign thei ngei dawn niin a lang bawk. Kum 21 a upa hian City chu mimal inremna a neihpui tawh a, RB Leipzig lam pawh in an defender in Etihad Stadium pan a duh thu an sawi chiang.
RB Leipzig sporting director Max Eberl chuan German chanchinbu LVZ kaltlangin Gvardiol transfer chungchang hetiang hian a sawi, “Gvardiol leh a agent te’n Manchester City lam pan an duh thu min hrilh chiang tawh a, transfer chungchangah Manchester City lam nen kan inbe mek bawk. Tun dinhmunah chuan chu zawng chu ka sawi theih a la ni.”
Leipzig chuan an Croatian defender manah hian €100 million aia tlem lo an beisei nia sawi a ni a, City lamin an sign anih chuan football history a defender man to ber a ni ang.
Treble champion City in Ilkay Gundogan an chan hnuin a thlaktu tur Chelsea atangin Mateo Kovacic chu €30 million in an sign fel a, tunah an defense lam tichak turin Josko Gvardiol lam an hawi leh bawk. City hian Gvardiol an sign theih chuan an Spanish centre back Aymeric Laporte chu an hralhchhuak in a rinawm.
Gvardiol hian release clause €112 million a nei a, amaherawhchu a release clause hi nakkum July 2024 atanga nung tan tur chauh a ni. City chuan kuminah centre back la naupang tak hi sign an duh a, a release clause ang zat vel hi pêktlâk an inhuam mai in a rinawm.