Kan hriat angin zaninah Premiere League club pahnih Manchester City leh Chelsea in UEFA Champions League an khel dawn a. Premiere League club atanga inelna sang ber a nih ringtu pawh an awm nuk. UEFA Champions League hi football khawvel a club inelna sang ber a ni hial ang. Khawvel football tha tak tak ten an theihna zawng zawng pholanna hmun a ni.
Sportskeeda chuan UEFA Champions League history-a Starting XI ropui zualte a tarlang a, player than chhuah a harsat thu an sawi nghe nghe. chun an thlan chhuahte chu kan rawn tarlang ve leh ang. An hming chauh kan rawn tarlang mai.
Goalkeeper – Iker Casillas
Right-back – Dani Alves
Centre-back – Sergio Ramos
Centre-back – Carles Puyol
Left-back – Paolo Maldini
Defensive midfielder – Clarence Seedorf
Central midfielder – Xavi
Central midfielder – Andres Iniesta
Right-winger – Lionel Messi
Centre-forward – Samuel Eto’o
Left-winger – Cristiano Ronaldo
Source Sportskeeda
Read More (Pep Guardiola’an UCL final a an hmachhawn tur Chelsea warning a pe!)
Manchester City manager Pep Guardiola chuan zanin UEFA Champions League final-a an hmachhawn tur Thomas Tuchel, Chelsea chu warning a pe.
Man City hian UEFA Champions League final an khelh hmasak bernaah Chelsea an hmachhawn dawn a, hnehna an chang thei a nih ngat chuan City in tun season bikah major trophy 3 an chawina a ni ang.
Chelsea in an manager hlui Frank Lampard an ban hnuah Thomas Tuchel chu an la lut a, hemi hnu hian Man City nen vawi hnih inhmachhawn tawhin Chelsea lam hian vawi 2 hnehna an chang a ni. Mahse, Man City manager Pep Guardiola chuan tun hun hi chu a danglam tawh ang tiin warning a pe.
Pep Guardiola hnenah game 2 a tlawm chungchang kha enge awmzia tia an zawhna chu, “zero hi eng tihna mah a ni lo tak zet” tiin Pep Guardiola chuan Rio Ferdinand a hrilh.
“He final atan hian eng tiang chiahin nge kan inbuatsaih tih ka hria a, Dortmund kan hneh hnu ni 2 na-ah semi finals ah kan tlang tho, kan phu hle, Chelsea pawh ka lawmpui. Mahse, game thar a ni tawh ang, Inrinni khian kan hma chhawn dawn a, eng thil nge thleng dawn tih lo thlir phawt rawh u”
“Kha game hnihah khan hnehna chang ve ve pawh ni ila, tunah ka awmdan tur hi chu a pangai reng, a chhan chu Champions League hi enge a nih tih ka hria, season a tawp tawh a, tupawh thutphahah an thut vek lai a ni, holiday an hmang a, season thar atan an rilru an seng, he game tih loh chu game dang hmuh tur a awm lo”
“Kum 9 liamta chhung khan, TV ah Champions League final ka en thin, holiday hmanga ka awm lai pawhin he game en tur hian ka inpuahchah thin, final pakhat hi a danglam tak zet.” tiin Pep Guardiola chuan Champions League nomawi chawi a duh zia a sawi a, Chelsea tan chuan huphurhawm maithei.
Source SL