Manchester City manager Pep Guardiola chuan an forward pahnih Jack Grealish leh Kevin De Bruyne te chu tun ai tha zawka an khelh theih a la beisei thu a sawichhuak.
Cityzens hian an game hnuhnung bera Emirates Stadium a 3-1 a Arsenal an hneh tum in De Bruyne leh Grealish te’n City goal khatna leh goal hnihna te an khung a, team tan an thawhhlawk hle.
Tun season ah Grealish leh De Bruyne te hi team tana player pawimawh ber te zinga mi niin che tha viau thin mahse manager Pep Guardiola erawh in player pahnihte atangin thil tha zawk a la beisei fan.
Grealish a enkawl dan chungchang reporter te zawhna Pep chuan hetiang hian a chhang,” A khel tha hle thin a, thutlukna siam dan chungchang pawh ka hrilh fo bawk. Quality chu amah ah a awm sa reng a, amaherawhchu hun pawimawh a risk a lak thiam dan leh a tumna te chu danglamna thlentu te anni. Tun ang hian khel tha chhunzawm zel se ka duh” a ti.
City boss chuan sawi chhunzawmin,”Jack leh midangte ang tho in Kevin pawh a khel tha. A thiltih engkim avangin ka lawm hle a, amaherawhchu a lak atang pawhin tun aia tha ka la beisei. Kevin leh Jack te hian tun ai tha zawk maha an khelh theih ka la ring fan. Goal tha tak tak khung mahse kan hmaah hian chona nasa tak a awm a, inelna a hautak hle bawk. Heng zawng zawng avang hian player te’n tun ai tha zawka khel turin an rilru an siam fel tur a ni” a ti.
Premier League champion lai leh hmahruaitu ni bawk City hian an game leh ah Nottingham Forest chu City ground ah an luhkhung dawn a, point 3 hmuh leh ngei an inbeisei dawn.
