Brighton midfielder Moses Caicedo chuan Chelsea sawmna a hnar loh tur thu leh Graham Potter hnuaia inkhelh leh a chak thu a sawichhuak. Chelsea in German coach Thomas Tuchel an ban fel hnu reilote ah Brighton manager hna kum thum thawk tawh tu Graham Potter an lalut.
Potter an Stamford Bridge a pan fel chiah tih in a player enkawl thin kum 20 a upa Caicedo chu Chelsea nena sawizawm anni nghal a, Blues hian an duh tak tak anih chuan January thlaah lakluh an tum ang.
Ecuador international hian Potter enkawlna hnuaiah thla 18 chhung a inkhel hman a, hma pawh a sawn hle nghe nghe. Chelsea leh Man Utd te chuan he rawlthar lakah hian mit an len mek.
”Potter an Chelsea min zawmsan hi pawi ka ti em em a, a chhan chu a enkawlna hnuaiah hian nasa taka hma ka sawn tih ka hriat vang a ni. Manager anga neih chhunzawm zel hi ka duh a, mahse football ah chuan thil a inher danglam chak hle. Kan hma hun tu mah in kan hre lawk lova, vawiin ah he club tan ka khel a, tun atanga ni reilo te hnuah club dang tan ka inkhel leh thut maithei. Footballer emaw coach chuan heihi kan hna a ni si a” tiin Moses Caicedo an Graham Potter an Chelsea a pan san tak avanga pawi a tih thu leh football ah erawh thil a inthlak zung zung thu a sawichhuak.
Caicedo chuan Chelsea atanga sawmna a dawn chuan a hnar loh tur thu sawi tel in,”Tunah chuan Brighton tan leh World Cup tan chiah ka rilru ka pe a, hlawhtling taka World Cup khelh ka duh a, chuan enge thleng zel kan hria ang chu. Chelsea hi khawvela club tha ber pakhat a ni a, an hnen atanga sawmna dawn hi a tu player mah in an hnar buai ka ring lo. Khawvel a club tha ber pakhat tana khelh leh hlawhtlinna chan hi ka duhthusam a ni” a ti.