Carabao Cup Semi final khelh takah khan Liverpool chuan Arsenal an hneh a, Thomas Parteys erawhin red card a hmu hlauh mai, Parteys red card hmuh erawh kumina Arsenal red card hmuh vawi 3 na a tling.
Carabao Cup Semi final khelh tumah khan Thomas Partney chuan Diogo Jota lakah foul a neih vangin, yellow card vawi 2 a hmuh hnuah red card pek a ni. 2021-22 season-ah hian Diogo Jota’an red foul vawi 2 a hlawh chhuak tawh a ni.
Arsenal hian kumin 2022 hian red card vawi 3 lai an hlawhchhuak tawh a, hetihlai hian goal erawh vawi khat chiah an la khung thung.
Kum thar niah khan Manchester City an hmachhawn a, Bukayo Saka’an goal a khung nghe nghe. He goal hi Mikel Arteta nau ten kumin 2022 a goal an khung awm chhun a ni.
Red Card erawh vawi 3 lai an hlawhchhuak tawh thung.
Arsenal tan kumina red card hmu tawh dang pahnih chu Gabriel leh Granit Xhaka te hi anni.
Thomas Partey’an red card a hmuh hnu khan Mikel Arteta hnuaiah Arsenal in Red card vawi 14 an hlawhchhuahna a ni a.
January ni 1 a Gabriel’an red card a hmuh khan Premiere Leageu history bikah red card 100 hmu hmasa ber anni.
December 2019 a Arteta’an Gunner a enkawl tan tirh khan Arsenal chuan red 89 an hmu mek a, hmu tam berah Everton awmin 95 an hmu.
Mahse, kum 2 vel chauh a liam laiin, Arsenal chuan Everton an khum ta tlat mai, tunah hian Everton in 99 an hmu ve mek.
Source SL