Gareth Bale’an Real Madrid title celebration-a a tel loh chhan a sawi

Inrinni zan khan Real Madrid chuan title celebration an hmang a, Gareth Bale erawh he celebration-ah hian a tello a ni. Mahse, a tel loh chhan a sawifiah.

Kan hriat angin Real Madrid chuan Inrinni zan khan Espanyol chu 4-0 lai maiin an hneh a, a vawi 35 na atan La Liga nomawi an chawi ta a ni.

Hnehna an chan hnu lawk hian Trophy hlan nghal anni a, hemi hnu hian an trophy dawn chu Spanish khawpui an fan pui a ni.

Hetihlai hian Welshman Gareth Bale erawh hmuh a ni lo, ani hi tun season khelh zawh rual hian Santiogo Bernabeu a chhuahsan dawn niin thuthang tamtak a awm.

Inrinni squad-ah pawh khan Bale hi a lo inhnukdawk tawh a, a chhan chu a kawng nat vang niin a sawi a, title celebration-ah pawh a thian te a zawm theih loh thu a sawi tel bawk.

“CAMPEONES, Vawiin tlai celebration naah ka tel theilo chu a pawi tak zet, a chhan chu ka kawng nat vag a ni a, mahse, he nomawi avang hian team te chu ka chhuang hle, nuam takin aw.” tiin Gareth Bale chuan Tweeter-ah a tweet a ni.

Kum tlemte liam taah khan Welshman hi Zinedine Zidane hnuaiah duh angin a che tha tawh lova, hei vang hian 2020/21 season kha a club hlui Tottenham Hotspur lamah loan in a kal phah a ni.

Real Madrid-ah hian kum 9 chhung a awm tling a, mahse, tun season khelh zawhah erawh a chhuah ngei a rinawm ta. Real Madrid lama hun a hman chhung hian UEFA Champions League titles 4 leh La Liga titles 3 a chawi hman a ni.

Source SL

Related Posts

error: Content is protected !!