Cristiano Ronaldo hmalam hun tur chungchangah Juventus chuan thuchhuah siam tawh mahse, C Ronaldo’an Juventus training a zawm niin report in an tarlang.
Kum 36 a upa C Ronaldo hi a chhungte nen chawlh hmanga hun an hman lai khan Italian club lian Juventus lamin contract thar an pe dawn lo niin report hrang hrangin an tarlang a nih kha.
Sky Italy in an tarlan dan chuan Juventus lam hian C Ronaldo hnenah contract thar dang an pelo niin an tarlang a, tuna a contract neih mek hi June 2022 thleng daih ala ni mek.
Report hnuhnung berin an tarlan dan chuan Real Madrid superstar hlui leh a agent hian Juve lama contract pawhsei chu an dil niin an sawi a, tun summer transfer-ah hi chuan club a chhuahsan dawn lo niin a lang.
Thawhtanni (Monday) ah khan Manchester United winger hlui C Ronaldo chuan Juventus tan pre season training a zawm a, fans 100 chuang ten C Ronaldo hi 2021/22 season atan anlo welcome a ni.
A hnuaiah hian C Ronaldo thlalak thenkhatte kan rawn tarlang ve leh e.
Cristiano Ronaldo returns to Juventus