Galatasaray zawm tur Juan Mata

Transfer expert Fabrizio Romano tarlan dan in Manchester United leh Chelsea midfielder hlui kum 34 a upa Juan Mata an Turkish club lian Galatasaray S K a zawm hnai.

Tunkum June khan Mata hian Old Trafford a a contract neih lai a hmang zo a, club thenkhat nena sawizawm ni ve bawk mahse tunah erawh Turkish Super Lig vawi 22 lai champion tawh Galatasaray a pan ang.

”Galatasaray chuan free agent ni mek Juan Mata an lalut thuai dawn a, kum khat atan inremna nei turin an inbe fel tawh. Contract ziah chiah an thil nghah awmchhun a ni” tiin Romano an Mata club thar tur a sawi chiang.

Leeds United leh Mata te sawizawm an lo nih tawh chungchangah Romano chuan a thu dawn sawi leh in, “Kar hmasa lamah thuthang awm ve bawk mahse Mata hian Leeds United a zawm hnai lo hrim hrim” a ti

Man Utd hian 2014 khan Chelsea atangin £37.1 million in Mata hi an lalut a, Spanish international hian Old Trafford a a season hman hmasak pali ah game 35 emaw a aia tam a inlan ziah. A season hnuhnung pahnih a a game khelhzat belhkhawm erawh game 30 chauh a ni thung.

Tun nipui bazar khan Manchester United atangin heng player; Paul Pogba, Juan Mata, Andreas Pereira, Jesse Lingard, Nemanja Matic leh Edinson Cavani te chuan free transfer in club an chhuahsan a, Eric Bailly pawh Olympique Marseille lamah loan in an chhuahtir ve bawk.

Old Trafford chhuahsan player awm nual mahse Ten Hag an player chawkluh a nei ve nual tho va, Lisandro Martinez, Tyrell Malacia, Antony, Casemiro, Christian Eriksen leh Martin Dubravka(loan) te’n tun nipui bazar khan Man Utd an zawm.

Related Posts

error: Content is protected !!